VIDEO: જન્નત-એ-કાશ્મીરમાં પ્રવાસીઓનો જમાવડો દાલ સરોવરમાં શિકારા રાઇડની રંગત જામી!
છેલ્લું અપડેટ : 15 Sept 2026
જન્નત-એ-કાશ્મીરમાં પ્રવાસીઓનો જમાવડો
દાલ સરોવરમાં શિકારા રાઇડની રંગત જામી!
મલેશિયાથી આવેલા શ્રદ્ધાળુઓએ ગણાવ્યું પૃથ્વી પરનું સ્વર્ગ!
જમ્મુ-કાશ્મીરની સુંદર વાદીઓમાં આવેલું શ્રીનગર હાલ પ્રવાસીઓના કલરવથી ગૂંજી ઉઠ્યું છે. વિશ્વપ્રસિદ્ધ દાલ સરોવરમાં પ્રવાસીઓ શિકારા રાઇડની મજા માણી રહ્યા છે. ખુશનુમા હવામાન અને મનોરમ દ્રશ્યો વચ્ચે દાલ સરોવર પર શિકારા પર સવાર થઈને સફર કરવી પ્રવાસીઓ માટે એક અદ્ભુત અને અવિસ્મરણીય અનુભવ બની રહ્યો છે. દેશ તેમજ વિદેશથી આવતા પ્રવાસીઓ કાશ્મીરની સુંદરતા અને ત્યાંના સ્થાનિક લોકોના આતિથ્ય સત્કારથી ખૂબ જ પ્રભાવિત થયા છે. પ્રવાસીઓ પોતાના પરિવાર સાથે અહીં આવીને રજાઓની મજા માણી રહ્યા છે. તેમનું કહેવું છે કે કાશ્મીરની મુલાકાત દરેક વ્યક્તિએ એકવાર ચોક્કસ લેવી જોઈએ, કારણ કે અહીંના લોકો ખૂબ જ પ્રેમળ છે અને પ્રશાસન તરફથી પણ પ્રવાસીઓ માટે ઉત્તમ વ્યવસ્થા કરવામાં આવી છે.
શ્રીનગરમાં પ્રવાસીઓ માણી રહ્યા છે અદ્ભુત પળો!
કાશ્મીરી મહેમાનગતિથી મોહિત થયા પ્રવાસીઓ
મલેશિયાથી પહેલીવાર કાશ્મીર આવેલા પ્રવાસી મિસ્ટર મેલ્વિને પોતાનો રોમાંચક અનુભવ શેર કર્યો હતો. તેમણે જણાવ્યું કે, દાલ સરોવરમાં આવેલા હાઉસબોટમાં રોકાણ કરવાનો અનુભવ અદ્ભુત રહ્યો. હાઉસબોટનું આંતરિક સુશોભન ખૂબ જ સુંદર છે અને કાશ્મીરના લોકો અત્યંત મદદગાર અને મિલનસાર છે. તેમણે ભારત અને કાશ્મીર પ્રત્યે પોતાનો પ્રેમ વ્યક્ત કર્યો હતો. દાલ સરોવરમાંથી સામે આવેલા મનોરમ દ્રશ્યોમાં પ્રવાસીઓનો ઉત્સાહ સ્પષ્ટપણે જોઈ શકાય છે. શિકારા સવારીથી લઈને હાઉસબોટના અનોખા રોકાણ સુધી, શ્રીનગર પ્રવાસીઓ માટે એક સ્વર્ગ સમાન સાબિત થઈ રહ્યું છે. સ્થાનિક પ્રવાસન ઉદ્યોગમાં આવી રહેલા આ ઉછાળીથી કાશ્મીરના વેપારીઓ અને સ્થાનિક લોકોમાં પણ ખુશીનો માહોલ જોવા મળી રહ્યો છે.
બ્યૂરો રિપોર્ટ જીએસટીવી
