VIDEO: કઠુઆના સરથલમાં ટુરિઝમનો ધમધમાટ રોડ કનેક્ટિવિટી સુધરતાં પ્રવાસીઓની ભારે ભીડ!
છેલ્લું અપડેટ : 20 Sept 2026
કઠુઆના સરથલમાં ટુરિઝમનો ધમધમાટ
રોડ કનેક્ટિવિટી સુધરતાં પ્રવાસીઓની ભારે ભીડ!
બિસ્માર રસ્તાઓથી બાની વિસ્તારને મળી મુક્તિ
જમ્મુ અને કાશ્મીરના કઠુઆ જિલ્લામાં આવેલા મનોરમ સરથલ પ્રવાસી સ્થળ સુધી પહોંચવા માટે રોડ કનેક્ટિવિટી મજબૂત બનતાં જ પર્યટનમાં અભૂતપૂર્વ ઉછાળો નોંધાયો છે. એક સમયે ખરાબ રસ્તાઓના કારણે આ પ્રદેશમાં આવવાનું ટાળતા સૈલાનીઓ હવે મોટી સંખ્યામાં અહીં પહોંચી રહ્યા છે. માર્ગોના નવનીકરણ અને સુધારાના પરિણામે કઠુઆનો આ પહાડી વિસ્તાર પ્રવાસીઓ માટે નવા આકર્ષણનું કેન્દ્ર બની ગયો છે. અગાઉ મધ્યમ કે નાના વાહનો માટે ડુંગરાળ માર્ગો પરથી પસાર થવું અત્યંત જોખમી અને કષ્ટદાયક સાબિત થતું હતું. રસ્તાઓમાં મોટા ખાડા, પથ્થરો અને બિસ્માર હાલતને કારણે બની અને સરથલ વિસ્તારો પ્રવાસીઓના નકશા પરથી દૂર થઈ રહ્યા હતા. પરંતુ છેલ્લા કેટલાક વર્ષોમાં માર્ગ પરિવહન ક્ષેત્રે થયેલા વ્યાપક સુધારાના પગલે આ પરિવહન વ્યવસ્થા સંપૂર્ણપણે બદલાઈ ગઈ છે અને હવે સરસ માર્ગો તૈયાર થતાં વાહનચાલકોની મુસાફરી સરળ બની છે.
ખરાબ માર્ગોનો અંત આવતાં સરથલ બન્યું સૈલાનીઓનું પ્રિય હોટસ્પોટ!
દિલ્હી, યુપી, હરિયાણાથી પહોંચેલા પ્રવાસીઓથી વેપારમાં રોનક!
રોડ કનેક્ટિવિટી સુધરવાના કારણે હવે ઉત્તર પ્રદેશ, બિહાર, દિલ્હી અને હરિયાણા જેવાં વિવિધ રાજ્યોમાંથી પણ પ્રવાસીઓ સરથલ ખાતે પહોંચી રહ્યા છે. માર્ગોમાં થયેલા આ હકારાત્મક બદલાવના લીધે સ્થાનિક નાગરિકો માટે આજીવિકાની નવી તકો ઊભી થઈ છે અને પ્રદેશની આર્થિક સ્થિતિને મોટો ટેકો મળી રહ્યો છે. વધેલા પ્રવાસનથી સ્થાનિક વેપારીઓમાં પણ ખુશીનો માહોલ છે. જમ્મુ અને કાશ્મીરના કઠુઆથી સામે આવેલા તાજેતરના દ્રશ્યોમાં સરથલના મનોરમ પહાડો વચ્ચે સુવિધાયુક્ત રસ્તાઓ પર દોડતાં વાહનો અને પ્રવાસીઓની ચહલપહલ સ્પષ્ટ જોઈ શકાય છે. નવા નેશનલ હાઈવે અને રોડ નેટવર્કના વિસ્તરણથી આગામી દિવસોમાં આ ક્ષેત્રમાં પ્રવાસનનો વ્યાપ વધુ વધવાની આશા છે, જેનાથી સમગ્ર કઠુઆ જિલ્લાના ગ્રામીણ માળખાકીય વિકાસને નવું બળ મળશે.
બ્યૂરો રિપોર્ટ જીએસટીવી
