VIDEO: કઠુઆના બિલાવર વિસ્તારમાં સુરક્ષા દળોનું સેર્ચ ઓપરેશન જારી, બે આતંકીઓ ઠાર
છેલ્લું અપડેટ : 18 Sept 2026
સોર્સ : gstv
જમ્મુ અને કાશ્મીરના કઠુઆ જિલ્લા હેઠળ આવતા બિલાવર વિસ્તારમાં જમ્મુ-કાશ્મીર પોલીસ અને સુરક્ષા દળો દ્વારા સંયુક્ત સર્ચ અને કોર્ડન ઓપરેશન સતત બીજા દિવસે પણ જારી રાખવામાં આવ્યું છે. ઉલ્લેખનીય છે કે, ગઈકાલે આ વિસ્તારમાં સુરક્ષાદળો અને આતંકવાદીઓ વચ્ચે થયેલી ભીષણ અથડામણમાં બે આતંકીઓને સફળતાપૂર્વક ઠાર કરવામાં આવ્યા હતા. આ વિસ્તારમાં હજુ પણ છુપાયેલા અન્ય આતંકવાદીઓની શક્યતાને ધ્યાનમાં રાખીને સુરક્ષા દળો દ્વારા સમગ્ર જંગલ અને ગ્રામીણ વિસ્તારોને ઘેરીને સઘન તપાસ હાથ ધરવામાં આવી રહી છે. વિસ્તારની સુરક્ષા વધારી દેવામાં આવી છે અને સેના દ્વારા દરેક શંકાસ્પદ ગતિવિધિ પર ચાંપતી નજર રાખવામાં આવી રહી છે.
