Shah Rukh Khanએ પોતાનો પ્રથમ નેશનલ એવોર્ડ જીત્યાની ખૂશી વ્યક્ત કરતાં શું કહ્યું?
છેલ્લું અપડેટ : 02 Aug 2025
શાહરૂખ ખાને 33 વર્ષની ફિલ્મી કારકિર્દીમાં પોતાનો પ્રથમ નેશનલ એવોર્ડ જીત્યો છે. આવા સમયે અભિનેતાએ એક વિડિયો શેર કરીને નેશનલ એવોર્ડ્સ જૂરી, સરકાર, પોતાની ટીમ, પરિવાર અને ચાહકોનો આભાર વ્યક્ત કર્યો છે. ડિરેક્ટર એટલીની ફિલ્મ 'જવાન'માં પોતાના કામ માટે શાહરૂખે આ એવોર્ડ જીત્યો છે.
71માં નેશનલ એવોર્ડ્સમાં બોલિવૂડના કિંગ શાહરૂખ ખાનને મોટી જીત મળી છે. શાહરૂખ ખાને પોતાની ફિલ્મ 'જવાન' માટે શ્રેષ્ઠ અભિનેતાનો નેશનલ એવોર્ડ જીત્યો છે. આ શાહરૂખની 33 વર્ષની કારકિર્દીનો પ્રથમ નેશનલ એવોર્ડ છે. આવા સમયે અભિનેતાએ એક વિડિયો શેર કરીને નેશનલ એવોર્ડ્સ જૂરી, સરકાર, પોતાની ટીમ, પરિવાર અને ચાહકોનો આભાર માન્યો છે.
શાહરૂખ ખાને પોતાના વિડિયોમાં શું કહ્યું?
શાહરૂખ ખાને કહ્યું, 'નમસ્કાર અને આદાબ, મારે એ કહેવાની જરૂર નથી કે હું કૃતજ્ઞતા, ગર્વ અને નમ્રતાથી ભરેલો છું. નેશનલ એવોર્ડથી સન્માનિત થવું એ એક એવો પળ છે, જેને હું જીવનભર યાદ રાખીશ. જૂરી, ચેરમેન, માહિતી અને પ્રસારણ મંત્રાલય અને તે તમામ લોકોનો આભાર, જેમણે ધાર્યું કે હું આ સન્માનનો હકદાર છું. હું મારા ડિરેક્ટર્સ અને લેખકોનો આભાર માનવા માંગું છું, ખાસ કરીને 2022 માટે. તો આભાર રાજુ સર (રાજકુમાર હિરાની), આભાર સિદ (સિદ્ધાર્થ આનંદ) અને ખાસ કરીને એટલી સર અને તેમની ટીમનો આભાર કે તેમણે મને જવાનમાં કામ કરવાની તક આપી. અને મારા પર ભરોસો કર્યો કે હું આમાં સારું કામ કરી બતાવીશ અને આ એવોર્ડનો હકદાર બનીશ. એટલી સર, આ બિલકુલ એવું જ છે જેવું તમે કહો છો'
તેમણે આગળ કહ્યું, 'હું મારી ટીમ અને મેનેજમેન્ટનો આભાર માનવા માંગું છું, જે અથાક મહેનતથી મારી સાથે કામ કરે છે. તેઓ મારી ઉન્માદ અને ઉતાવળને સહન કરે છે અને મને જેવો હું છું તેનાથી ઘણો સારો બતાવે છે. આ એવોર્ડ મને મળેલા પ્રેમ વિના પૂર્ણ ન હોત. તો આભાર તે તમામ ચીજો માટે જે તમે કરો છો. મારી પત્ની અને બાળકો, જેમણે વર્ષોથી મને એટલો બધો પ્રેમ અને કાળજી આપી છે કે જાણે હું જ ઘરનું બાળક છું. તેઓ બધા મારા માટે શ્રેષ્ઠ ઈચ્છે છે. તેઓ જાણે છે કે સિનેમા પ્રત્યેનો મારો જુનૂન મને તેમનાથી દૂર લઈ જાય છે, પરંતુ તેઓ આ બધું હસતાં હસતાં સહન કરે છે અને મને સમય આપે છે. તો આ માટે ખૂબ આભાર.'
શાહરૂખ ખાને એમ પણ કહ્યું, 'નેશનલ એવોર્ડ માત્ર એક સિદ્ધિ નથી, એ એક રીમાઇન્ડર પણ છે કે હું જે કરું છું તે મહત્વ ધરાવે છે. એ મને કહે છે કે મારે આગળ વધવું જોઈએ, મહેનત કરવી જોઈએ, ચીજો બનાવવી જોઈએ અને સિનેમા પીરસતો રહેવું જોઈએ. અવાજથી ભરેલી દુનિયામાં પોતાને સાંભળવું એ ખૂબ મોટી વાત છે અને હું આ સન્માનનો ઉપયોગ આગળ વધવા માટે કરીશ. આ એવોર્ડ મારા માટે એક રીમાઇન્ડર છે કે અભિનય માત્ર એક કામ નથી, એ એક જવાબદારી છે. સ્ક્રીન પર સત્ય બતાવવાની જવાબદારી અને આ બધા પ્રેમ માટે હું આભારી છું. ભારત સરકારનો આ સન્માન માટે ખૂબ આભાર. અંતમાં હું મારા ચાહકોને કહેવા માંગું છું કે તમારા બધા ઉત્સાહ, આંસુઓ અને તમારા સ્ક્રોલિંગને મને જોવા માટે રોકવા માટે આભાર. આ એવોર્ડ તમારા માટે છે, અને દરેક એવોર્ડ છે. અને હા, હું મારા હાથ ફેલાવીને તમારા માટે મારો પ્રેમ વ્યક્ત કરવા માંગું છું, પરંતુ હાલમાં હું મજબૂર છું. પણ કોઈ વાંધો નહીં, પોપકોર્ન તૈયાર રાખો, હું થિયેટરમાં પાછો આવીશ અને ટૂંક સમયમાં સ્ક્રીન પર પણ, ત્યાં સુધી એક હાથથી જ કરી દઉં- રેડી...'
