Video: AP Dhillonએ ચાલુ કોન્સર્ટે કરી તારા સુતરિયાને કિસ, બોયફ્રેન્ડનું રિએક્શન વાયરલ

વીર પહાડિયા અને તેની ગર્લફ્રેન્ડ તારા સુતારિયા ક્રિસમસની ઉજવણી કર્યા બાદ એપી ધિલ્લોનના કોન્સર્ટમાં પહોંચ્યા હતા. પરંતુ તારાની હરકતોએ વીરનું દિલ તોડી નાખ્યું! આ અમે નથી કહી રહ્યા, પણ લોકો કહી રહ્યા છે. સ્ટેજ પર એપી ધિલ્લોન સાથે તારાની નિકટતા જોઈને વીરના ઘણા વીડિયો વાયરલ થયા છે.

એપી ધિલ્લોન અને તારા સુતારિયાને જોઈ વીર પહાડિયા ચીડાયો

વીર પહાડિયા અને તેની ગર્લફ્રેન્ડ તારા સુતારિયા શુક્રવારની રાત્રે મુંબઈમાં એપી ધિલ્લોનના કોન્સર્ટમાં સામેલ થયા હતા. શોના ઘણા વીડિયો સોશિયલ મીડિયા પર વાયરલ થઈ રહ્યા છે, પરંતુ એક ખાસ ક્લિપે સૌનું ધ્યાન ખેંચ્યું છે. વીડિયોમાં વીરની સામે જ એપી ધિલ્લોન તારાને સ્ટેજ પર બોલાવતો જોવા મળે છે.

સુંદર કાળા ડ્રેસમાં સજ્જ તારા સુતારિયા, એપી ધિલ્લોન સાથે સ્ટેજ પર આવે છે. સ્ટેજ પર ડગલું મૂકતાની સાથે જ 'એક્સક્યૂઝ' ફેમ સિંગર એપી ધિલ્લોન તેને ગળે લગાવે છે અને તેના ગાલ પર કિસ કરે છે. વીડિયોમાં આગળ તારા અને એપી ધિલ્લોનને સ્ટેજ પર ડાન્સ કરતા પણ જોઈ શકાય છે. એપી ધિલ્લોન પોતાના હિટ ગીતો પર પરફોર્મ કરે છે અને તારા તેના ખભા પર હાથ રાખેલી પણ જોવા મળે છે.

એપી ધિલ્લોન સાથે તારાની નિકટતા

વીડિયોમાં એ પણ બતાવવામાં આવ્યું છે કે જ્યારે વીર પહાડિયાની ગર્લફ્રેન્ડ તારા એપી ધિલ્લોન સાથે સ્ટેજ પર આવી, ત્યારે વીર તેને ધારી ધારીને જોઈ રહ્યો હતો. 'સ્કાય ફોર્સ'ના એક્ટર (વીર) એપીના કેટલાક ગીતો પર લિપ-સિંક કરતા પણ જોવા મળ્યા હતા, પરંતુ ઘણા સોશિયલ મીડિયા યુઝર્સે કોમેન્ટ સેક્શનમાં જઈને કહેવાનું શરૂ કર્યું કે તે સ્પષ્ટપણે 'અસહજ' અને 'તણાવ'માં દેખાઈ રહ્યા હતા.

લોકોએ ઉડાવી મજાક

એક યુઝરે લખ્યું- "તારા અને તેના બોયફ્રેન્ડ બંને અસહજ લાગી રહ્યા છે... એપીએ અંતર જાળવવું જોઈએ." બીજાએ કહ્યું- "કંઈક તો ગડબડ લાગી રહી હતી." અન્ય એક યુઝરે લખ્યું- "એપી ધિલ્લોન નજીક આવવાનો પ્રયત્ન કરતા તે અસહજ દેખાય છે. તારાએ સમજવું જોઈએ, આવી છોકરી ન જોઈએ ભાઈ." આ પહેલા પણ તારા સુતારિયા એપી ધિલ્લોનના પુણે કોન્સર્ટમાં હાજર રહી હતી.

તારા સુતારિયાએ રિલેશનશિપ કન્ફર્મ કરી હતી

તારા સુતારિયાએ આ વર્ષે ઓગસ્ટમાં ઇન્સ્ટાગ્રામ પર વીર પહાડિયા સાથેના પોતાના સંબંધોને જાહેર કર્યા હતા.  એક ઈન્ટરવ્યુમાં વીર પહાડિયાએ તારા સાથેના સંબંધો વિશે વાત કરતા કહ્યું હતું કે, "મને ખુશી છે કે અમે અમારી પહેલી મુલાકાતથી જ અમારા પ્રેમને ખુલ્લેઆમ સ્વીકાર્યો છે અને અમે જ્યાં પણ હોઈએ, અમારી લાગણીઓ દર્શાવવામાં ક્યારેય ખચકાયા નથી."

પહેલી ડેટ નાઈટ પર શું થયું હતું!

જ્યારે તેમને પૂછવામાં આવ્યું કે શું કોઈ એવો ખાસ પળ હતો જેણે એકબીજાને જોવાનો નજરિયો બદલી નાખ્યો, તો વીરે કહ્યું કે તે તેમની પહેલી ડેટ નાઈટ હતી. તેણે કહ્યું, "કદાચ તે અમારી પહેલી ડેટ નાઈટ હતી, જ્યાં મેં પિયાનો વગાડ્યો હતો અને તે સૂરજ ઉગે ત્યાં સુધી ગાતી રહી હતી."