Chhaava માટે વિક્કી કૌશલે વધાર્યું 25 કિલો વજન, સતત 7 મહિના શરીર પર ધ્યાન આપ્યું

Chhaava : પોતાની આગામી ફિલ્મ 'છાવા'ના પ્રમોશન માટે જયપુર પહોંચેલા બોલિવૂડ અભિનેતા વિકી કૌશલે જણાવ્યું હતું કે આ ફિલ્મ માટે તેણે 25 કિલો વજન વધાર્યું છે. ચાહકો સાથે વાતચીત કરતા વિકીએ કહ્યું, “ખમ્મા ઘણી જયપુર, અહીં આવ્યા પછી મને જે ઉત્સાહ થાય છે તેનું હું વર્ણન કરી શકતો નથી. એવું શક્ય નથી કે મારી કોઈ નવી ફિલ્મ રિલીઝ થાય અને હું જયપુર ન આવું. જ્યારે પણ કોઈ ફિલ્મ રિલીઝ થાય છે, ત્યારે તેનું પ્રમોશન જયપુરથી જ શરૂ થાય છે.”

ફિલ્મ 'છાવા'ના ટ્રેલરમાં છત્રપતિ સંભાજી મહારાજને નાચતા બતાવવા પર વિવાદ થયો હતો. રાજ્યસભાના ભૂતપૂર્વ સાંસદ સંભાજી રાજેએ આ નૃત્ય દ્રશ્ય સામે વાંધો ઉઠાવ્યો હતો. દરમિયાન, મહારાષ્ટ્રના મંત્રી ઉદય સામંતે ચેતવણી આપી હતી કે જો ફિલ્મમાં કોઈ વાંધાજનક દ્રશ્ય રાખવામાં આવશે તો તેને રિલીઝ થવા દેવામાં આવશે નહીં.

'છાવા' ફિલ્મના દિગ્દર્શક લક્ષ્મણ ઉતેકરે મનસેના વડા રાજ ઠાકરેને મળ્યા હતા અને તેમને ખાતરી આપી હતી કે વિવાદાસ્પદ દ્રશ્ય દૂર કરવામાં આવશે. આ કાર્યક્રમમાં વિક્કી કૌશલે આ વિશે વાત કરી. તેમણે કહ્યું, “ટીમે આ ફિલ્મની સ્ક્રિપ્ટ પર અઢી વર્ષનો સમય લગાવ્યો છે. દરેક ઐતિહાસિક હકીકત પર કામ કરવામાં આવ્યું છે. તેથી, કોઈપણ તથ્યો સાથે ચેડાં કરી શકાતા નથી.