VIDEO : 'KISS કાંડ' મામલે ઉદિત નારાયણની મુશ્કેલી વધી, સામે આવ્યો નવો એક વિવાદ

બોલિવૂડના દિગ્ગજ પ્લેબેક સિંગર ઉદિત નારાયણ ફરી એકવાર હેડલાઇન્સમાં છે. સોશિયલ મીડિયા યુઝર્સે ઉદિત નારાયણનો બીજો એક નવો વીડિયો શોધી કાઢ્યો છે જેમાં તે તેના એક ચાહકને કિસ કરતો જોવા મળે છે. ઇન્ટરનેટ પર લોકોએ તેને 'સિરિયલ કિસર'નું ટેગ આપ્યું છે. તાજેતરમાં ઉદિત નારાયણનો એક વિડિયો વાયરલ થયો હતો જેમાં તે તેના એક ચાહકને કિસ કરતો જોવા મળ્યો હતો, આ વિડિયો થોડીવારમાં જ વાયરલ થઈ ગયો હતો અને ઉદિત નારાયણને આ માટે ખૂબ ટ્રોલ કરવામાં આવ્યા હતા. બાદમાં ઉદિત નારાયણે સ્પષ્ટતા કરી કે તેમને આ અંગે કોઈ અફસોસ નથી.

ઉદિત નારાયણનો નવો વિડીયો વાયરલ

હવે ગાયકનો બીજો એક વીડિયો સામે આવ્યો છે જેમાં તે પોતાના ચાહક પ્રત્યે વિચિત્ર રીતે પ્રેમ વ્યક્ત કરતો જોવા મળે છે. ખરેખર વિડિયોમાં ઉદિત નારાયણ એક ચાહકનું માથું પકડીને તેને પોતાની તરફ ફેરવતા અને પછી તેના હોઠ પર ચુંબન કરતા જોવા મળે છે. જીએસટીવી આ વીડિયોની સત્યતાની પુષ્ટિ કરતું નથી. પરંતુ આ વાયરલ વીડિયો માટે ગાયકની સોશિયલ મીડિયા પર ભારે ટીકા થઈ રહી છે અને લોકોએ ઉદિત નારાયણને 'સિરિયલ કિસર'નો ટેગ આપ્યો છે.

X પર જુઓ

લોકોએ તેને સિરીયલ કિસરનો ટેગ આપ્યો

એક સોશિયલ મીડિયા યુઝરે આ વિડિયો પોસ્ટ કરીને લખ્યું, "હવે બજારમાં એક 'સિરિયલ કિસર' આવી ગયો છે. ઉદિત નારાયણનો એક વિડિયો વાયરલ થયો છે અને હવે બીજો વિડિયો આવ્યો છે. મહિલાઓ ઉદિત નારાયણ સાથે સેલ્ફી લઈ રહી છે પરંતુ ઉદિત નારાયણ તેના હોઠ શોધીને તેમને ચુંબન કરતો રહે છે. ઉદિત નારાયણ સામાન્ય ચુંબન નથી કરતા." કોમેન્ટ સેક્શનમાં લોકોએ ઉદિત નારાયણની કાર્યવાહીની ટીકા કરી છે.