સાઉથના આ પ્રખ્યાત એક્ટરે કરી આત્મહત્યા, સંદિગ્ધ હાલતમાં મળી બોડી

ટીવી એક્ટ્રેસ પવિત્રા જયરામના મોતના 5 દિવસ બછી સાઉથ ટીવી ઈન્ડસ્ટ્રી માટે વધુ એક દુઃખદ સમાચાર સામે આવ્યા છે. ચંદ્રકાંત જે ચંદુના હુલામણા નામથી પ્રસિદ્ધ હતો. તેણે આત્મહત્યા કરી લીધી છે. આ સમાચાર તેના શો 'ત્રિનયાની'ની સહ-અભિનેત્રી પવિત્રા જયરામના હૈદરાબાદમાં એક દુ:ખદ કાર અકસ્માતમાં જીવ ગુમાવ્યા બાદ આવ્યા છે. સાઉથ એક્ટર ચંદુ મણિકોંડા સ્થિત તેના ઘરે શંકાસ્પદ હાલતમાં મૃત હાલતમાં મળી આવ્યો હતો. તેલુગુ અભિનેતા ચંદુના આકસ્મિક નિધનથી તેના ચાહકો અને મનોરંજન ઉદ્યોગના લોકો માટે ભારે આઘાત લાગ્યો છે.

સાઉથ એક્ટર ચંદુએ આત્મહત્યા કરી

પોતાના શાનદાર અભિનયને કારણે અભિનેતા ચંદ્રકાંત પ્રખ્યાત હતા. તેઓ ટેલિવિઝન જગતના પ્રખ્યાત કલાકારોની યાદીમાં સામેલ હતા. આટલું જ નહીં સાઉથમાં તેની ફેન ફોલોઈંગ ખૂબ જ મોટી હતી. અભિનેતા ચંદુએ તેના નજીકના મિત્ર અને કો-સ્ટાર પવિત્ર જયરામના કાર અકસ્માતમાં મૃત્યુના થોડા દિવસો બાદ જ આત્મહત્યા કરી લીધી.  જણાવી દઈએ કે ચંદ્રકાંત રંગારેડ્ડી જિલ્લાના નરસિમ્હા પોલીસ સ્ટેશન વિસ્તાર હેઠળ આવતા અલકાપુરમાં તેના ઘરે શંકાસ્પદ હાલતમાં મૃત હાલતમાં મળી આવ્યા હતા.
 
https://www.instagram.com/reel/C7FNYG8ydcG

 શંકાસ્પદ હાલતમાં મળી આવ્યો અભિનેતા ચંદ્રકાંત

જ્યારે ચંદુને વારંવાર ફોન કરવા છતાં જવાબ ન મળતાં તેના પરિવારના સભ્યોએ તેના રૂમનો દરવાજો તોડ્યો હતો. એટલું જ નહીં ચંદુની બોડી પાસેથી પોલીસને એક સુસાઈડ નોટ પણ મળી છે. જણાવી દઈએ કે ચંદ્રકાંતની આત્મહત્યાના થોડા દિવસો પહેલા પવિત્રા જયરામનું કાર અકસ્માતમાં મૃત્યુ થયું હતું, તેણે પવિત્રાને તેના ઈન્સ્ટાગ્રામ એકાઉન્ટ પર શ્રદ્ધાંજલિ આપી હતી. હવે અભિનેતાના આકસ્મિક નિધનથી દરેક જણ આઘાતમાં છે અને સોશિયલ મીડિયા પર બધા તેમને શ્રદ્ધાંજલિ આપી રહ્યા છે.
 
જણાવી દઈએ કે પવિત્રાએ તેલુગુ શો 'ત્રિનયની'માં થિલોત્તમાની ભૂમિકા ભજવી હતી. જ્યારે ચંદુએ તેના પતિ વિશાલનો રોલ કર્યો હતો. આ સિવાય તેણે 'જોકલી', 'નીલી', 'રાધા રમન' વગેરે શોમાં પણ કામ કર્યું છે.