રણબીર કપૂરના કારણે આ એક્ટ્રેસે બરબાદ કર્યું હતું પોતાનું કરિયર, ત્રણેય ખાન સાથે આપી ચૂકી છે હિટ ફિલ્મો
છેલ્લું અપડેટ : 05 Dec 2025
આલિયા ભટ્ટ સાથે લગ્ન પહેલાં રણબીર કપૂર અનેક હિરોઇનો સાથે પોતાના સંબંધોને લઈને ચર્ચામાં રહ્યા હતા. એક એક્ટ્રેસ સાથેનું તેમનું ડેટિંગ અને બ્રેકઅપ એટલું લાઇમલાઇટમાં રહ્યું કે અલગ થયા પછી પણ બંને એકબીજા સાથે વાત કરવાનું પણ ટાળતા હતા.
રણબીર કપૂર સાથે બ્રેકઅપ પછી એક્ટ્રેસની હાલત રોઈ-રોઈને ખૂબ જ ખરાબ થઈ ગઈ હતી. એક્ટ્રેસે એવું પણ કહ્યું હતું કે તેણે પોતાનું કરિયર બરબાદ કરી દીધું છે. તાજેતરમાં એક જાણીતી પત્રકારે આ દાવો કર્યો છે કે એક વખત તે બૉલિવૂડની એક એક્ટ્રેસનું ઇન્ટરવ્યૂ લેવા ગઈ હતી જે રણબીર કપૂરથી બ્રેકઅપ પછી ખૂબ જ તૂટી ગઈ હતી. આ એક્ટ્રેસ કોઈ બીજી નહીં પણ કેટરીના કૈફ હતી.
રણબીરના ચક્કરમાં બરબાદ કર્યું પોતાનું કરિયર
એક ઇન્ટરવ્યૂમાં પત્રકારે જણાવ્યું હતું કે, “જ્યારે અમે કેટરીનાનું ઇન્ટરવ્યૂ લેવા YRF સ્ટુડિયો ગયા તો તે રોતી હતી, ખૂબ રોતી હતી. તે કહેતી હતી કે મેં ભૂલ કરી છે અને મને જે કામ ન મળ્યું એ માટે હું જ જવાબદાર છું. તે રોતી હતી અને અમને કહેતી હતી કે મને તેની સાથે પ્રેમ થઈ ગયો હતો અને પછી બધું બરાબર ન રહ્યું અને હવે અમે સાથે નથી. પણ તેના કારણે મેં મારું કરિયર બરબાદ કરી દીધું.”
કપૂર પરિવારની વહુ બનવાના ચક્કરમાં ઠુકરાવી ફિલ્મો
પત્રકારે આગળ જણાવતાં કહ્યું, “તેને લાગ્યું હશે કે રણબીર સાથે લગ્ન પછી તે કપૂર પરિવારની સદસ્ય બની જશે અને કેટરીનાને લાગ્યું હશે કે કપૂર પરિવાર પોતાની વહુઓને ફિલ્મોમાં કામ નથી કરવા દેતા, અને તે સમયે તો એવું જ હતું, પણ હવે બધું બદલાઈ ગયું છે. તેણે (કેટરીના) ઘણી બધી ફિલ્મો છોડી દીધી હતી. તે ખૂબ નિરાશ હતી.”
જણાવી દઈએ કે રણબીર સાથે બ્રેકઅપ પછી કેટરીના કૈફ ડિપ્રેશનમાં ચાલી ગઈ હતી. હાલ તે વિક્કી કૌશલ સાથે ખુશહાલ વૈવાહિક જીવન માણી રહી છે. તેમને એક દીકરો પણ છે. જ્યારે રણબીરે આલિયા સાથે લગ્ન કર્યા છે અને તેમને એક દીકરી છે.
