સામૂહિક દુષ્કર્મ-અપહરણ કેસમાં આઠ વર્ષે નિર્દોષ સાબિત થયો આ અભિનેતા
છેલ્લું અપડેટ : 08 Dec 2025
વર્ષ ૨૦૧૭ના દક્ષિણ ભારતીય અભિનેત્રીના અપહરણ અને યૌન ઉત્પીડન કેસમાં મલયાલમ અભિનેતા દિલીપને કોર્ટે તમામ આરોપોમાંથી નિર્દોષ મુક્ત કરી દીધા છે. આખો કેસ શું છે, ચાલો જાઓ જાણીએ.
દક્ષિણ ભારતીય ફિલ્મ ઇન્ડસ્ટ્રીની સૌથી ચર્ચિત અને દર્દનાક ઘટનાઓમાં સામેલ ૨૦૧૭ના અભિનેત્રી અપહરણ અને યૌન ઉત્પીડન કેસમાં સોમવારે એક મોટો વળાંક આવ્યો છે. એર્નાકુલમ પ્રિન્સિપલ સેશન્સ કોર્ટે લાંબી સુનાવણી બાદ અભિનેતા દિલીપને તમામ આરોપોમાંથી નિર્દોષ મુક્ત કરી દીધા છે, જ્યારે આરોપી નંબર ૧થી ૬ને દોષિત ઠેરવવામાં આવ્યા છે. આ ચુકાદો લગભગ આઠ વર્ષ ચાલી કાનૂની લડત અને સેંકડો સાક્ષીઓની પૂછપરછ બાદ સામે આવ્યો છે.
ગુનો કેવી રીતે થયો હતો?
ટ્રાયલના દસ્તાવેજો અનુસાર, ૧૭ ફેબ્રુઆરી ૨૦૧૭ની રાત્રે અભિનેત્રીની કારમાં ઘૂસીને મુખ્ય આરોપી પલ્સર સુની અને તેના સાથીઓએ તેમને અપહરણ કર્યું હતું. ચાલુ ગાડીમાં તેમની સાથે મારમારી, યૌન ઉત્પીડન અને ગેંગરેપ કરવામાં આવ્યો હતો. એટલું જ નહીં, ગુનેગારોએ આખી ઘટનાનો વીડિયો પણ રેકોર્ડ કર્યો હતો. કોર્ટે માન્યું કે આ ઘટના એક આયોજિત ષડયંત્ર હેઠળ અંજામ આપવામાં આવી હતી અને બધા છ મુખ્ય આરોપીઓ પર લાગેલા અપહરણ, આપરાધિક ષડયંત્ર, ગેંગરેપ, ગેરકાયદેસર બંધક બનાવવા અને આઈટી એક્ટ હેઠળના આરોપો સાબિત થયા છે.
દિલીપ પર શું આરોપ હતા?
મલયાલમ ઇન્ડસ્ટ્રીના સુપરસ્ટાર દિલીપને તપાસ એજન્સીએ કેસમાં આઠમો આરોપી બનાવ્યો હતો. તેમના પર આરોપ હતો કે તેમણે પલ્સર સુની ગેંગ સાથે મળીને ગુનાનું ષડયંત્ર રચ્યું હતું અને પછી તપાસ દરમિયાન પુરાવા છુપાવવા તેમજ સાક્ષીઓને પ્રભાવિત કરવાનો પ્રયાસ કર્યો હતો. આ ઉપરાંત, તેમના પર જામીનની શરતો તોડવાનો પણ આરોપ લાગ્યો હતો. પરંતુ વર્ષોની સાક્ષી, ક્રોસ-એક્ઝામિનેશન અને ટેક્નિકલ પુરાવાઓની તપાસ બાદ કોર્ટે માન્યું કે દિલીપ વિરુદ્ધ પૂરત્તરાવા નથી મળ્યા, તેથી તેમને નિર્દોષ મુક્ત કરવામાં આવે છે.
સુનાવણીમાં શું-શું થયું?
આ કેસ શરૂઆતથી જ હાઇ-પ્રોફાઇલ રહ્યો છે. આ કેસમાં ૨૦૦થી વધુ સાક્ષીઓ હતા. ફિલ્મ ઇન્ડસ્ટ્રીના ઘણા મોટા નામોની સાક્ષી આ કેસમાં સામેલ રહી. ઇલેક્ટ્રોનિક પુરાવાઓની ફોરેન્સિક તપાસ પણ થઈ. ઘણી તપાસ ટીમો અને તપાસ અધિકારીઓને પણ બદલવામાં આવ્યા. જામીન રદ કરવાના પ્રયાસોએ પણ આ કેસને સતત ચર્ચામાં રાખ્યો. જજ હની એમ વર્ગીસે પોતાના આદેશમાં કહ્યું કે પ્રોસિક્યુશન દ્વારા રખાયેલા પુરાવા માત્ર મુખ્ય આરોપીઓ સુધી જ સીમિત રહ્યા અને દિલીપની સંડોવણી સાબિત થઈ શકી નહીં.
બાકીના આરોપીઓ પર કયા-કયા આરોપ સાબિત થયા?
દોષિત ઠરાવવામાં આવેલા ૬ આરોપીઓ પર આ કલમો હેઠળ આરોપ સાબિત થયા છે –
IPC 120B – આપરાધિક ષડયંત્ર,
IPC 342 – ગેરકાયદેસર બંધક,
IPC 354 અને 354B – શીલભંગ અને કપડાં ઉતારવાનો પ્રયાસ,
IPC 366 – અપહરણ,
IPC 376D – ગેંગરેપ,
IT Act 67, 67A – અશ્લીલ સામગ્રી બનાવવી અને પ્રસારિત કરવી.
