કાશીના નમો ઘાટ પર ગુંજ્યો 'બમ બમ'નો નાદ! ગણેશ આચાર્યે લોન્ચ કર્યું પોતાની બાયોપિકનું શિવમય ગીત

દેશના નામાંકિત કોરિયોગ્રાફર ગણેશ આચાર્યે ડાન્સની દુનિયામાં ખૂબ નામ કમાયું છે. તેમણે બાળપણમાં ખૂબ સંઘર્ષ વેઠ્યો છે અને ત્યારબાદ આ મુકામ હાંસલ કર્યો છે. હવે તેઓ પોતાની બાયોપિક લઈને આવ્યા છે. કદાચ પહેલીવાર એવું જોવા મળી રહ્યું છે કે કોઈ કોરિયોગ્રાફરે પોતાની જ બાયોપિકનું ખુદ ડિરેક્શન કર્યું હોય. તેનું ટ્રેલર રિલીઝ કરી દેવામાં આવ્યું છે, જેના ખૂબ વખાણ થઈ રહ્યા છે. વળી, તાજેતરમાં કાશીમાં એક ખાસ અવસર પર તેમણે પોતાની અપકમિંગ બાયોપિકનું નવું ગીત લોન્ચ કર્યું છે.

ભોળાનાથની નગરી કાશીમાં 'બમ બમ' સોંગ લોન્ચ કરવામાં આવ્યું છે. આ અવસર પર ગણેશ આચાર્ય ખુદ ત્યાં ઉપસ્થિત હતા. તેઓ મ્યુઝિક લોન્ચ દરમિયાન ખૂબ જ ખુશ જોવા મળ્યા અને તેમણે પોતાના અપકમિંગ પ્રોજેક્ટ વિશે વાત પણ કરી. 

ગણેશ આચાર્યે શું કહ્યું?

કોરિયોગ્રાફર ગણેશ આચાર્યે મ્યુઝિક લોન્ચ વખતે કહ્યું- ”ભોળાનાથની નગરી કાશીમાં તેમના સમક્ષ આ ગીત પ્રસ્તુત કરવાથી મોટો આનંદ બીજો કોઈ ન હોય શકે. આ ગીત શિવ પર જ આધારિત છે, જેમની પાસે ત્રીજી આંખ છે, કરુણાના સાગર છે અને નીલકંઠની મહિમા છે. આ ગીત ફિલ્મનો એક ખાસ હિસ્સો પણ છે. આ ગીત ફિલ્મની શરૂઆતથી જ પિક્ચરાઈઝ થઈ જાય છે અને એક ખાસ પ્રકારની ઊર્જા આપે છે. આ ગીતમાં ભગવાન શિવને નાગોના રાજા અને ભૂતોના દેવતા તરીકે પિક્ચરાઈઝ કરવામાં આવ્યા છે. અને આ ગીતને લોન્ચ કરવા માટે બનારસના નમો ઘાટ કરતાં વધુ સારી જગ્યા વળી કઈ હોઈ શકે? દરેકને છઠ પૂજાની અભિનંદન. આખું વાતાવરણ છઠ પૂજાની પવિત્રતાથી મહેકી ઉઠ્યું છે. હું ગણેશ આચાર્ય ભગવાન શિવને આ હમ્બલ ટ્રિબ્યુટ આપું છું.”

ફેન્સને કેવું લાગી રહ્યું છે ગીત?

ગણેશ આચાર્યની વાત કરીએ તો, તેમનું ગીત 'બમ બમ' ફેન્સને ખૂબ પસંદ આવી રહ્યું છે. આ ગીત જુનેદ કુમાર અને કલ્યાણ વસંતે ગાયું છે. જ્યારે તેના લિરિક્સ (બોલ) ખુદ ગણેશ આચાર્યે લખ્યા છે. ફિલ્મની સ્ટોરી અને તેનું ડિરેક્શન પણ ગણેશ આચાર્યે જ કર્યું છે. તેનું નિર્માણ સૌંદર્યાએ કર્યું છે. ગીતની વાત કરીએ તો તેને ફેન્સ તરફથી પોઝિટિવ વ્યુઝ મળી રહ્યા છે. આ ફિલ્મ 11 ડિસેમ્બર 2026ના રોજ વિશ્વભરના સિનેમાઘરોમાં રિલીઝ કરવામાં આવશે.