Video/ Shah Rukh Khan ના દીકરા આર્યનની વેબ સિરીઝ 'Ba**ds of Bollywood' નું ટીઝર થયું રીલિઝ, ફેન્સે કહ્યું-સુપરહિટ

શાહરૂખ ખાનના દીકરા આર્યન ખાનની પહેલી વેબ સિરીઝ 'બેડ્સ ઓફ બોલીવુડ'ની રાહ દર્શકો લાંબા સમયથી જોઈ રહ્યા છે. આ સિરીઝમાં બોલીવુડના ઘણા જાણીતા કલાકારો જોવા મળવાના છે. આર્યને આ દ્વારા દિગ્દર્શનમાં પગલું મૂક્યું છે અને આની વાર્તા પણ તેણે જાતે લખી છે. હવે આખરે સિરીઝની પહેલી ઝલક સામે આવી છે, જે સોશિયલ મીડિયા પર વાયરલ થઈ રહી છે.  

આ પણ વાંચો :

શું ખરેખર Shahrukh Khanને હૃદયરોગનો હુમલો આવ્યો છે? સારવાર માટે ગયો અમેરિકા!

Shah Rukh Khanએ પોતાનો પ્રથમ નેશનલ એવોર્ડ જીત્યાની ખૂશી વ્યક્ત કરતાં શું કહ્યું? 

ફર્સ્ટ લુક

શાહરૂખે સિરીઝનું પહેલું ટીઝર શેર કરતાં લખ્યું, 'તમે માંગ્યું અને નેટફ્લિક્સે પૂરું કર્યું... આ થોડું વધારે થઈ ગયું, નહીં? પણ આદત પાડી લો, કારણ કે...'બેડ્સ ઓફ બોલીવુડ'નું પ્રીવ્યૂ 20 ઓગસ્ટે રિલીઝ થશે.' સિરીઝમાં આર્યનની શાનદાર ઝલક પણ જોવા મળી છે, તેનો સ્વેગ જોવાથી જ ચાહકોનું દિલ બાગ-બાગ થઈ ગયું છે.   લક્ષ્ય લાલવાણી, રાઘવ જુયાલ, બોબી દેઓલ, મનોજ પહેવા અને મોના સિંહ જેવા કલાકારો આ સિરીઝમાં મહત્ત્વની ભૂમિકા ભજવી રહ્યા છે.  

આર્યને સંભળાવી વાર્તા

ટીઝરની શરૂઆત શોના મુખ્ય પાત્રોના પરિચય અને શાહરૂખને સાચી શ્રદ્ધાંજલિ આપતા થાય છે. બેકગ્રાઉન્ડમાં કિંગ ખાનની ફિલ્મ 'મોહબ્બતેં'ની થીમ વાગે છે અને આર્યન પોતાની વાર્તા સંભળાવવા માટે સ્ક્રીન પર આવે છે.  
લક્ષ્ય આ સિરીઝમાં મુખ્ય ભૂમિકા ભજવી રહ્યા છે. રણવીર સિંહ પણ તેનો હિસ્સો છે. શાહરૂખની ઝલક હજુ સામે આવી નથી. શાહરૂખ અને આર્યનના ચાહકો ટીઝરની પ્રશંસા કરતાં થાકતા નથી.  

આર્યનની માતા ગૌરી ખાન છે આ સિરીઝની નિર્માતા

'બેડ્સ ઓફ બોલીવુડ'નું નિર્માણ કામ શાહરૂખના પ્રોડક્શન હાઉસ રેડ ચિલીઝ એન્ટરટેઈનમેન્ટના બેનર હેઠળ તેમની પત્ની ગૌરી ખાને સંભાળ્યું છે.  આની જાહેરાત ગયા વર્ષે નવેમ્બરમાં લોસ એન્જલસમાં યોજાયેલા નેટફ્લિક્સ ઈવેન્ટ દરમિયાન કરવામાં આવી હતી. સિરીઝમાં બતાવવામાં આવશે કે જ્યારે મુંબઈની માયાનગરીમાં લોકો આવે છે ત્યારે તેમની સાથે શું-શું થાય છે. શાહરૂખે જણાવ્યું કે તેમના દીકરા આર્યને નાની-નાની જગ્યાઓનું નિરીક્ષણ કરીને આ સિરીઝની વાર્તા લખી છે.