શ્રદ્ધા કપૂરે રાહુલ મોદી સાથેની રિલેશનશિપ કરી ઓફિશિયલ! તસવીર શેર કરી અને લખી આ વાત
શ્રદ્ધા કપૂર બોલિવૂડની સૌથી પ્રતિભાશાળી અભિનેત્રીઓમાંની એક છે. શ્રદ્ધાએ તેના કરિયરમાં અત્યાર સુધી
શ્રદ્ધા કપૂર બોલિવૂડની સૌથી પ્રતિભાશાળી અભિનેત્રીઓમાંની એક છે. શ્રદ્ધાએ તેના કરિયરમાં અત્યાર સુધી ઘણી શાનદાર ફિલ્મો આપી છે અને તેની મજબૂત અભિનય કુશળતા પણ સાબિત કરી છે. એક્ટ્રેસ પોતાની પ્રોફેશનલ લાઈફની સાથે-સાથે પર્સનલ લાઈફ માટે પણ ચર્ચામાં રહે છે. લાંબા સમયથી એવી અફવાઓ ચાલી રહી છે કે, શ્રદ્ધા કપૂર રાહુલ મોદીને ડેટ કરી રહી છે. જોકે, તેણે આ અફવાઓ પર ક્યારેય પ્રતિક્રિયા આપી નથી. હવે લાગે છે કે અભિનેત્રીએ રાહુલ સાથેની રિલેશનશિપ ઓફિશિયલ કરી છે.
શ્રદ્ધા કપૂરે રાહુલ મોદી સાથેની રિલેશનશિપ ઓફિશિયલ કરી!
ડેટિંગની અફવાઓ વચ્ચે, શ્રદ્ધાએ તેની ઇન્સ્ટાગ્રામ સ્ટોરીઝ પર 'તુ જૂઠી મેં મક્કર' રાઇટર રાહુલ સાથે પોતાની એક તસવીર શેર કરી છે. ફોટોમાં શ્રદ્ધા કેમેરા સામે હસતી જોવા મળી રહી છે. જ્યારે રાહુલે વિચિત્ર ચહેરો બનાવ્યો છે. આ તસવીર શેર કરતી વખતે શ્રદ્ધાએ લખ્યું હતું કે, ‘દિલ રખ લે, નીંદ તો વાપસ દે દે યાર.’ તસવીર શેર કરતી વખતે તેણે સ્માઈલી અને ફની ઈમોજીની સાથે હાર્ટ ઈમોજી પણ પોસ્ટ કરી અને ફોટામાં રાહુલને ટેગ પણ કર્યો છે. આ સેલ્ફી પછી એવું લાગે છે કે, શ્રદ્ધાએ રાહુલ મોદી સાથેની રિલેશનશિપ ઓફિશિયલ કરી છે.
ક્યારે ફેલાઈ શ્રદ્ધા અને રાહુલના ડેટિંગની અફવાઓ?
ગયા વર્ષે, શ્રદ્ધા કપૂર અને રાહુલ મોદી અનેક પ્રસંગોએ સાથે જોવા મળ્યા બાદ તેમના ડેટિંગની અફવાઓ ફેલાઈ હતી. તેણે આ વર્ષે માર્ચમાં એક મિત્રના લગ્નમાં પણ હાજરી આપી હતી. આ અફવાઓને વધુ વેગ મળ્યો જ્યારે અભિનેત્રીએ સાથે વિતાવેલી રજાઓની તસવીરો શેર કરી. આ વર્ષે મે મહિનામાં શ્રદ્ધા કપૂરે ઈન્સ્ટાગ્રામ પર અનેક તસવીરો પોસ્ટ કરી હતી. તસવીરોમાં તે સ્ટારફિશ અને શંખની પ્રિન્ટ સાથે જાંબલી રંગનો નાઈટસૂટ પહેરેલી જોવા મળી હતી, પરંતુ દરેક તસવીરોમાં તેના પેન્ડન્ટે બધાનું ધ્યાન ખેંચ્યું હતું. વાસ્તવમાં પેન્ડન્ટ પર 'R' અક્ષર હતો. તેણે પોસ્ટને કેપ્શન આપ્યું હતું, "કુછ નહી વ્રો, શ્રૃંડે હૈ તો કુછ નહી કર રહી."
કોણ છે રાહુલ મોદી?
રાહુલ મોદી બોલિવૂડ ફિલ્મોના લેખક અને આસિસ્ટન્ટ ડિરેક્ટર છે. તેનો જન્મ અને ઉછેર મુંબઈમાં થયો હતો. રાહુલ મોદીએ સુભાષ ઘઈની વ્હીસલિંગ વુડ્સ ઈન્ટરનેશનલ ઈન્સ્ટિટ્યૂટમાંથી અભ્યાસ કર્યો છે. રાહુલના પિતા આમોદ ફેમસ બિઝનેસમેન છે.
શ્રદ્ધા કપૂરનું વર્કફ્રન્ટ
શ્રદ્ધા કપૂરના વર્કફ્રન્ટ વિશે વાત કરીએ તો, તેણે તેની અભિનય કારકિર્દીની શરૂઆત ‘તીન પત્તી’માં એક નાની ભૂમિકાથી કરી હોવા છતાં, તેને 2011માં ‘લવ કા ધ એન્ડ’ સાથે લોકપ્રિયતા મળી. આ પછી શ્રદ્ધાએ 'આશિકી 2', 'એક વિલન', 'બાગી', 'હૈદર', 'હાફ ગર્લફ્રેન્ડ', 'હસીના પારકર', 'સ્ત્રી' જેવી ઘણી હિટ ફિલ્મો આપી. અભિનેત્રી છેલ્લે રણબીર કપૂર સાથે રોમેન્ટિક ડ્રામા ફિલ્મ ‘તુ જૂઠી મેં મક્કર’માં સ્ક્રીન શેર કરતી જોવા મળી હતી. લવ રંજન દ્વારા નિર્દેશિત આ ફિલ્મ ખૂબ જ પસંદ કરવામાં આવી હતી અને સુપર-ડુપર હિટ રહી હતી. શ્રદ્ધા કપૂર પાસે ઘણા પ્રોજેક્ટ છે. તે ટૂંક સમયમાં જ ‘સ્ત્રી 2’, ‘ચાલબાઝ ઇન લંડન’ અને ‘ચંદા મામા દૂર કે હૈ’માં જોવા મળશે.
