Happy Birthday Thalaiva: સુપરસ્ટાર રજનીકાંતના જન્મદિવસ પર પીએમ મોદી સહિત અનેક સેલેબ્સે પાઠવી શુભકામના
છેલ્લું અપડેટ : 12 Dec 2025
સાઉથના થલાઈવા એટલે કે રજનીકાંત આજે પોતાનો 75મો જન્મદિવસ ઉજવી રહ્યા છે. રજનીકાંતના જન્મદિવસના અવસર પર તેમને પીએમ મોદીથી લઈને અભિનેતા ધનુષ સુધી, દરેકે પ્રેમભર્યા સંદેશા દ્વારા શુભેચ્છા પાઠવી છે.
સાઉથ સિનેમાના મહાનાયક રજનીકાંત આજે પોતાનો 75મો જન્મદિવસ ઉજવી રહ્યા છે અને આખા દેશ સહિત આંતરરાષ્ટ્રીય ફેનબેઝ આ ખાસ દિવસને કોઈ તહેવારની જેમ ઉજવી રહ્યો છે. સોશિયલ મીડિયા પ્લેટફોર્મ પર 'હેપ્પી બર્થડે રજનીકાંત' ટ્રેન્ડ કરી રહ્યું છે. તેમજ રજનીકાંતના જમાઈ રહેલા ધનુષે પણ આ ખાસ દિવસે તેમને શુભકામના પાઠવી છે.
પીએમ મોદીએ પણ આપી શુભેચ્છા
દેશના વડાપ્રધાન નરેન્દ્ર મોદીએ પણ રજનીકાંતને જન્મદિવસની શુભેચ્છા આપી છે. પીએમ મોદીએ રજનીકાંત માટે એક પોસ્ટ શેર કરતાં લખ્યું- "થિરુ રજનીકાંતજીને તેમના 75મા જન્મદિવસના ખાસ અવસર પર હાર્દિક શુભેચ્છાઓ. તેમના પર્ફોર્મન્સે પેઢીઓને મંત્રમુગ્ધ કરી છે અને તેમને અપાર પ્રશંસા મળી છે. તેમનો ફિલ્મી સફર વિવિધ ભૂમિકાઓ અને શૈલીઓથી ભરેલી છે, જેણે હંમેશા નવા માપદંડો સ્થાપિત કર્યા છે. આ વર્ષ વધુ ખાસ રહ્યું કારણ કે તેમણે ફિલ્મ જગતમાં પોતાના 50 વર્ષ પૂર્ણ કર્યા છે."
ધનુષે રજનીકાંતને આપી શુભેચ્છા
ધનુષે પોતાના એક્સ એકાઉન્ટ પર ભાવનાઓથી ભરપૂર સંદેશ લખ્યો. ધનુષે પોતાના પ્રિય અભિનેતાને શુભેચ્છા આપતાં લખ્યું- જન્મદિવસ મુબારક હો થલૈવા.
કમલ હાસન અને મોહનલાલે પણ આપી શુભેચ્છા
અભિનેતા રજનીકાંતના જન્મદિવસના અવસર પર અભિનેતા મોહનલાલ અને કમલ હાસને પણ શુભેચ્છા પાઠવી છે.
એમ.કે. સ્ટાલિને પણ આપી શુભેચ્છા
તમિલનાડુના મુખ્યમંત્રી એમ.કે. સ્ટાલિને પણ રજનીકાંતને જન્મદિવસની શુભેચ્છા આપી છે. તેમણે લખ્યું- "છ વર્ષથી સાઈઠ વર્ષ સુધી- છેલ્લા પચાસ વર્ષથી જે બધાને મોહિત કરતા આવ્યા છે- મારા મિત્ર સુપરસ્ટાર રજનીકાંતને દિલથી જન્મદિવસની ઢગલાબંધ શુભેચ્છાઓ."
રજનીકાંતના જન્મદિવસે ઉત્સવ મનાવવામાં આવી રહ્યો છે
રજનીકાંતની લોકપ્રિયતા કોઈ એક રાજ્ય, દેશ કે ભાષા સુધી મર્યાદિત નથી. સોશિયલ મીડિયા પર તેમની 75મી વર્ષગાંઠને લઈને જે ઉત્સાહ દેખાયો તે કોઈ વૈશ્વિક આઇકનની લોકપ્રિયતા જેવો છે. ફિલ્મી હસ્તીઓ, રાજનેતાઓ, રમતગમત જગતની હસ્તીઓ દરેક તરફથી શુભેચ્છાઓની વર્ષા થઈ છે.
