VIDEO: ડિરેક્ટર Farhan Akhtarએ Ranveer Singh વિરુદ્ધ ફિલ્મ બોડીમાં નોંધાવી ફરિયાદ, જાણો શું છે મામલો
છેલ્લું અપડેટ : 24 May 2026
Ranveer Singh Don 3 Exit Controversy: બોલિવૂડના જાણીતા એક્ટર રણવીર સિંહ આજકાલ પોતાની ફિલ્મ 'ધુરંધર 2' ને લઈને ચર્ચામાં છે. રણવીર સિંહની આ ફિલ્મ બોક્સ ઓફિસ પર ઘણા રેકોર્ડ બનાવી ચૂકી છે. મોટા પડદા બાદ ફિલ્મ 'ધુરંધર 2' એ ઓટીટી (OTT) પર પણ ધમાલ મચાવી દીધી છે. દરેક વ્યક્તિ આ ફિલ્મનો દીવાનો બની ગયો છે અને વારંવાર ફિલ્મ જોવાનું પસંદ કરી રહ્યો છે. આ દરમિયાન રણવીર સિંહ પોતે છોડી દીધેલી ફિલ્મ Don 3 ને લઈને સમાચારોમાં છે. ફિલ્મ 'ડોન 3' ને લઈને ફરહાન અખ્તર અને રણવીર સિંહ વચ્ચે તણાવનો માહોલ ચાલી રહ્યો છે. ફરહાને ફિલ્મ વર્કર્સ એસોસિએશન (FWICE) માં રણવીર વિરુદ્ધ ઔપચારિક ફરિયાદ નોંધાવી છે. આ પછી બી-ટાઉનમાં હલચલ મચી ગઈ છે.
ફરહાન અખ્તરે નોંધાવી ફરિયાદ
એક્ટર ફરહાન અખ્તર ફરી એકવાર ફિલ્મ 'ડોન 3' ને લઈને ચર્ચામાં આવ્યા છે. આ વખતે ફરહાન અખ્તરે એવું પગલું ભર્યું છે, જેની ખૂબ ચર્ચા થઈ રહી છે. FWICE ના નિવેદન અનુસાર, ફરહાન અખ્તરે રણવીર સિંહના ફિલ્મ 'ડોન 3' માંથી બહાર થવાને લઈને ફિલ્મ બોડીમાં ફરિયાદ નોંધાવી છે.
કાલે આવશે ચુકાદો
તાજેતરમાં સામે આવેલા અહેવાલો મુજબ, આ ફરિયાદ IFTDA દ્વારા કરવામાં આવી હતી, જ્યાં ફરહાન સભ્ય છે. FWICE એ જણાવ્યું છે કે આ મામલે તેમનો નિર્ણય 25 મે ના રોજ યોજાનારી પ્રેસ કોન્ફરન્સમાં જાહેર કરવામાં આવશે. આ સમાચાર સામે આવ્યા બાદથી રણવીર સિંહના ફેન્સ ખૂબ જ ચિંતિત થઈ ગયા છે. હવે જોવાનું એ રહેશે કે 25 મે ના રોજ રણવીર સિંહ અને ફરહાન અખ્તર વચ્ચે ચાલી રહેલા ફિલ્મ 'ડોન 3' ના વિવાદ પર શું ચુકાદો આવે છે.
