Pariksha Pe Charcha: મેન્ટલ હેલ્થથી લઈને નબળાઈઓ પર કામ કરવા સુધી, દીપિકા પાદુકોણે શેર કરી ખાસ ટિપ્સ

દીપિકા પાદુકોણ ઘણીવાર મેન્ટલ હેલ્થ વિશે વાત કરતી જોવા મળે છે. 'પરીક્ષા પે ચર્ચા 2025' ના બીજા એપિસોડમાં, દીપિકા ફરી એકવાર બાળકો સાથે મેન્ટલ હેલ્થ વિશે વાત કરતી જોવા મળી. આખો એપિસોડ રિલીઝ થઈ ગયો છે. આ એપિસોડનો પ્રોમો પણ 11 ફેબ્રુઆરીએ શેર કરવામાં આવ્યો હતો. દીપિકાએ પોતે પણ આ એપિસોડનો વીડિયો શેર કરતી વખતે વડાપ્રધાન નરેન્દ્ર મોદીનો આભાર માન્યો હતો. આ એપિસોડમાં, દીપિકાએ બાળકો દ્વારા પૂછાયેલા બધા પ્રશ્નોના જવાબ ખૂબ જ સરળ રીતે આપ્યા હતા.

આ પણ વાંચો :

'સનમ તેરી કસમ'નો રેકોર્ડ તોડશે ઈમરાન હાશ્મીની આ ફિલ્મો, થિયેટરમાં થવા જય રહી છે રી-રિલીઝ

ચિરંજીવીએ પૌત્રીના જન્મ વિશે એવું તો શું કહ્યું કે લોકો તેમના પર ભારે ગુસ્સે થયા?

દીપિકા પાદુકોણે તેના ઇન્સ્ટાગ્રામ એકાઉન્ટ પર 'પરીક્ષા પે ચર્ચા'નો એક વીડિયો શેર કર્યો છે. જેમાં તે બાળકો સાથે કેટલીક એક્ટિવિટી કરતી જોવા મળે છે. બધા બાળકોને પેન અને કાગળ આપવામાં આવે છે અને તેમની એક સ્ટ્રેન્થ લખવાનું કહેવામાં આવે છે. એટલે કે, જો તેના જીવનમાં કોઈ એક સ્ટ્રેન્થ અન્ય કરતાં વધુ હોય, તો તે તેના વિશે પણ લખી શકે છે. બધા બાળકોએ એક પછી એક પોતે લખેલી સ્ટ્રેન્થને બોર્ડ પર લગાવે છે.

દીપિકાએ બાળકો સાથે ખાસ એક્ટિવિટી કરી

દીપિકા પોતે પણ આ એક્ટિવિટીમાં ભાગ લે છે અને તે પોતાની એક સ્ટ્રેન્થ વિશે લખે છે. દીપિકાએ બધા બાળકોને આ કરવા પાછળનું કારણ પણ જણાવ્યું કે આ પ્રવૃત્તિ દ્વારા તમે ફક્ત તમારી સ્ટ્રેન્થ વિશે જ વિચારશો, તમારી નબળાઈઓ વિશે નહીં. તમને ખ્યાલ આવશે કે તમે કેટલી બધી બાબતોમાં સારા છો. આ વીડિયો સાથે, દીપિકાએ કેપ્શનમાં લખ્યું, "'પરીક્ષા પે ચર્ચા' સિઝન 8. આ અનુભવે મને દેશ અને વિદેશના વિદ્યાર્થીઓ સાથે ગુણવત્તાયુક્ત સમય વિતાવવા, મેન્ટલ હેલ્થના મહત્ત્વ પર ચર્ચા કરવા અને તેમની સાથે વિદ્યાર્થી તરીકેની મારી સફર શેર કરવાની તક આપી છે."

વડાપ્રધાનનો આભાર માન્યો

વડાપ્રધાનનો આભાર માનતા દીપિકાએ લખ્યું, "માનનીય વડાપ્રધાન નરેન્દ્ર મોદી, આ કાર્ય પ્રત્યે તમારી પ્રતિબદ્ધતા બદલ આભાર." જ્યારે પણ દીપિકાને તક મળે છે, ત્યારે તે મેન્ટલ હેલ્થ વિશે ખુલીને વાત કરે છે. તેણે આ એપિસોડમાં એમ પણ કહ્યું કે તેને પહેલીવાર ત્યારે ખ્યાલ આવ્યો કે તે ડિપ્રેશન હતી જ્યારે તેની માતા ઘરે ન હતી અને તેણે જીવવાની ઇચ્છા ગુમાવી દીધી હતી. જ્યારે તે એકલી હતી ત્યારે તે ખૂબ રડતી હતી. જોકે, ડિપ્રેશનને હરાવ્યા પછી, તેણે તેના વિશે ખુલીને વાત કરવાનું શરૂ કર્યું અને લોકોને મેન્ટલ હેલ્થ વિશે ટિપ્સ આપવાનું પણ શરૂ કર્યું.