'સાઉથ ઈન્ડસ્ટ્રીમાં બોલિવૂડ કલાકારોને નથી મળતું સન્માન..!' અરબાઝ ખાનના આ નિવેદનથી ખળભળાટ 

પટકથા લેખક સલીમ ખાનનો પુત્ર અને સુપરસ્ટાર સલમાન ખાનનો ભાઈ એક્ટર અરબાઝ ખાનને બોલિવૂડમાં કોઈ ઓળખની જરૂર નથી. તેણે બોલિવૂડને ઘણી હિટ ફિલ્મો આપી છે. છે. હાલમાં જ એક ઈન્ટરવ્યુ દરમિયાન અરબાઝે સાઉથ ઈન્ડસ્ટ્રીમાં બોલિવૂડ એક્ટર્સની ઈમેજ વિશે વાત કરી હતી. આ સાથે અભિનેતાએ ખુલાસો કર્યો છે કે સાઉથના લોકો બોલિવૂડને કેવી રીતે જુએ છે.

આજકાલ  બોલિવૂડ કલાકારોનો ઝુકાવ સાઉથ સિનેમા તરફ વધી રહ્યો છે. બી-ટાઉનના કલાકારો અવારનવાર સાઉથની ફિલ્મોમાં વિલનની ભૂમિકા ભજવતા જોવા મળે છે. અરબાઝ પણ તેની આગામી સાઉથ ફિલ્મમાં પણ વિલનની ભૂમિકામાં જોવા મળવાનો છે. હવે અભિનેતાએ કહ્યું છે કે શા માટે બોલિવૂડ કલાકારો માત્ર સાઉથમાં ગ્રે શેડના રોલમાં જ જોવા મળે છે.

સાઉથ સિનેમામાં બોલિવૂડના કલાકારોને નેગેટિવ રોલમાં કાસ્ટ કરવા અંગે એક્ટર અરબાઝે કહ્યું કે, 'હું વધારે કહી શકું તેમ નથી પરંતુ મને લાગે છે કે ઉત્તર ભારતના કલાકારો, જે મેં અત્યાર સુધી જોયા છે, તેઓ ઘણીવાર કેરેક્ટર આર્ટિસ્ટ તરીકે અથવા નેગેટિવ રોલમાં હોય છે. મને ખબર નથી કે તેમણે ઉત્તર ભારતીય કલાકારો સાથે ક્યારેય મોટી ફિલ્મો કરી છે.

અભિનેતાએ વધુમાં ઉમેર્યું હતું કે, “અમે અત્યાર સુધી જેટલી ફિલ્મો જોઈ છે તેમાં બોલિવૂડ કલાકારોએ દક્ષિણ ભારતીય સિનેમાના સ્ટાર્સ વેંકટેશ, કમલ હાસન, રજનીકાંત, ચિરંજીવી, નાગાર્જુન સાથે કામ કર્યું છે, પરંતુ તે ક્યારેય મુખ્ય ભૂમિકામાં જોવા મળ્યા નથી. જેમાં અમારી અભિનેત્રીઓને કાસ્ટ કરવામાં આવી છે. ત્યાં તેમની અભિનેત્રીઓ પણ મુખ્ય ભૂમિકામાં છે, પરંતુ અભિનેતાઓ માટે દ્રશ્ય સંપૂર્ણપણે અલગ છે."

વર્ક ફ્રન્ટની વાત કરીએ તો મીડિયા રિપોર્ટ્સનું માનીએ તો અરબાઝ આ વર્ષે 'દબંગ 4' પ્રોડ્યુસ કરવા જઈ રહ્યો છે. આ ફિલ્મમાં તે સલમાન ખાન સાથે કામ કરવા જઈ રહ્યો છે.