VIDEO: Alia Bhatt અને Lord Bobbyની સ્પાય થ્રિલર ફિલ્મ 'Alpha' વિવાદમાં, 36 વર્ષ જૂની ફ્રેન્ચ ફિલ્મની કોપી હોવાનો સોશિયલ મીડિયા પર દાવો
છેલ્લું અપડેટ : 11 Jun 2026
બી-ટાઉનની લેડી સુપરસ્ટાર આલિયા ભટ્ટની મોસ્ટ અવેટેડ મૂવી 'આલ્ફા'નું ટીઝર આજે રિલીઝ થઈ ગયું છે. ડિરેક્ટર શિવ રવૈલ અને પ્રોડ્યુસર આદિત્ય ચોપડાની આ સ્પાય થ્રિલર હવે એક અલગ જ કારણસર ચર્ચામાં આવી ગઈ છે. 'આલ્ફા'નું ટીઝર જોયા બાદ સોશિયલ મીડિયા પર ફિલ્મ કોપી હોવાનો આરોપ લાગી રહ્યો છે.
ઘણા યુઝર્સ દ્વારા એવો દાવો કરવામાં આવી રહ્યો છે કે 36 વર્ષ પહેલાં રિલીઝ થયેલી એક વિદેશી ફિલ્મ અને 'આલ્ફા'ના ઘણા સીન્સ એક સરખા છે. આખો મામલો શું છે, ચાલો આ લેખમાં વિગતવાર જાણીએ.
'આલ્ફા'ને લઈને ચર્ચા શરૂ થઈ
બુધવારે યશરાજ ફિલ્મ્સ તરફથી ફિલ્મ 'આલ્ફા'નું લેટેસ્ટ ટીઝર રિલીઝ કરવામાં આવ્યું છે. ટીઝરમાં અભિનેત્રી આલિયા ભટ્ટ અને અભિનેતા બોબી દેઓલની ઝલક જોવા મળી છે. ટીઝર પરથી એ સ્પષ્ટ થયું છે કે આલિયા ફિલ્મમાં બોબીની પુત્રીનો રોલ પ્લે કરી રહી છે, જેને બોબી સિક્રેટ મિશન પાર પાડવા માટે કડક ટ્રેનિંગ આપે છે.
પરંતુ ટીઝર રિલીઝ થતાંની સાથે જ, સોશિયલ મીડિયા યુઝર્સે 'આલ્ફા' અને વર્ષ 1990માં સિનેમાઘરોમાં રિલીઝ થયેલી ફ્રેન્ચ એક્શન-થ્રિલર ફિલ્મ 'લા ફેમ નિકિતા' (La Femme Nikita) વચ્ચે સમાનતાઓ દર્શાવવાનું શરૂ કરી દીધું છે. ઘણા યુઝર્સે નોંધ્યું કે આ બંને ફિલ્મોની વાર્તા એક એવી યુવતીની આસપાસ ફરે છે જેને એક શક્તિશાળી સંગઠન અથવા મેન્ટર દ્વારા ભરતી કરવામાં આવે છે, ટ્રેનિંગ આપવામાં આવે છે અને એક ખતરનાક હત્યારા (એસેસિન) તરીકે બદલી દેવામાં આવે છે.
ઘણા યુઝર્સે તે ફ્રેન્ચ ક્લાસિક ફિલ્મના ક્લિપ્સ અને ફોટા શેર કર્યા અને કહ્યું કે 'આલ્ફા'ની શરૂઆતમાં બતાવવામાં આવેલી વાર્તાનો મુખ્ય પ્લોટ 'લા ફેમ નિકિતા' જેવો જ લાગી રહ્યો છે. આ રીતે હાલમાં 'આલ્ફા' હેડલાઇન્સમાં છે.
ક્યારે રિલીઝ થશે 'એલ્ફા'?
ટીઝર રિલીઝની સાથે મેકર્સ દ્વારા 'આલ્ફા'ની નવી રિલીઝ ડેટની પણ જાહેરાત કરવામાં આવી છે. 3 જુલાઈ 2026 ના રોજ આલિયા ભટ્ટની આ સ્પાય થ્રિલર સિનેમાઘરોમાં રિલીઝ થશે. નોંધનીય છે કે ફિલ્મ 'જીગરા' પછી આલિયા 'આલ્ફા' દ્વારા મોટા પડદા પર વાપસી કરવા જઈ રહી છે.
