અજય દેવગનની દીકરી ન્યાસાએ અક્ષય કુમારના પુત્ર સાથે બિંદાસ કરી પાર્ટી, Photo થયો વાયરલ 

બોલિવૂડ કલાકારોના બાળકો પણ તેમની જેમ જ લોકપ્રિય છે. કેટલાક સ્ટાર કિડ ફિલ્મોમાં ડેબ્યૂ કરી ચુક્યા છે તો કેટલાક ડેબ્યૂ કરવાની તૈયારી કરી રહ્યાં છે.  કેટલાક એવા હોય છે જે લાઈમલાઈટથી દૂર રહે છે. બોલિવૂડ સ્ટાર્સની જેમ તેઓ પણ ફિલ્મ ઈવેન્ટ્સમાં ભાગ લે છે. આ ઉપરાંત, તે HiFi પાર્ટીઓમાં પણ જોવા મળે છે. તાજેતરમાં આવી જ એક પાર્ટીની તસવીર સામે આવી છે. આ તસવીરમાં ફરી એકવાર બે ફેવરિટ સ્ટાર્સના બાળકો સાથે જોવા મળી રહ્યા છે. આ બીજું કોઈ નહીં પણ અજય દેવગન અને કાજોલની દીકરી  ન્યાસા દેવગન અને અક્ષય કુમાર-ટ્વીંકલ ખન્નાના પુત્ર આરવ ભાટિયા છે. બંનેએ થોડા દિવસ પહેલા જ પાર્ટી કરી હતી. હવે ફરી એકવાર તેમની પાર્ટીની તસવીરો વાયરલ થઈ રહી છે.

ઓરીએ ફોટો શેર કર્યા 

આ તસવીર અન્ય કોઈએ નહીં પરંતુ દરેક પાર્ટીમાં ગ્લેમર ઉમેરનાર ઓરીએ શેર કરી છે. આ તસવીર તેણે થોડા સમય પહેલા ઈન્સ્ટાગ્રામ પર પોસ્ટ કરી હતી. આ તસવીર સોશિયલ મીડિયા પર આવતાની સાથે જ વાયરલ થવા લાગી હતી. આ તસવીર પોસ્ટ કરતા ઓરીએ કેપ્શનમાં લખ્યું કે, 'જો તમે જૂઠા છો તો તે શરમજનક છે, તમે અમારી સાથે રહી શકતા નથી.' આ તસવીરમાં આરવ ભાટિયા,  ન્યાસા દેવગન, ઓરી અને સુનીલ શેટ્ટીના પુત્ર અહાન શેટ્ટીની એક્સ ગર્લફ્રેન્ડ તાનિયા શ્રોફ છે. આ તસવીર લંડનની છે, જ્યાં આ તમામ સ્ટાર કિડ્સ ગ્લેમરસ અવતારમાં સાથે જોવા મળી રહ્યા છે. અક્ષયનો દીકરો tuxedoમાં જોવા મળ્યો જ્યારે  ન્યાસા શાઇની શોર્ટ ડ્રેસમાં જોવા મળી રહી છે.

Instagram પર જુઓ

બંનેની તસવીર અગાઉ પણ વાયરલ થઈ હતી

આ પહેલા પણ આરવ અને  ન્યાસાની સાથે પાર્ટી કરતી તસવીરો સામે આવી હતી. તે તસવીર પણ ઓરીએ પોસ્ટ કરી હતી. આ બંને આજકાલ ઘણી વાર સાથે જોવા મળે છે. આના પરથી સ્પષ્ટ થાય છે કે બંને વચ્ચે ખૂબ જ ગાઢ મિત્રતા છે. 

 ન્યાસા અને આરવ શું કરે છે?

 ન્યાસા અને આરવની વાત કરીએ તો બંને ફિલ્મોથી દૂર છે. હાલમાં બંનેનો અભિનયની દુનિયામાં આવવાનો કોઈ ઈરાદો નથી. બંને ઘણીવાર સ્ટાર કિડ્સ સાથે પાર્ટી કરતા જોવા મળે છે.

અક્ષય કુમારનો લાડલો વિદેશમાં અભ્યાસ કરે છે અને તેને પેઇન્ટિંગનો શોખ છે. એક ઈન્ટરવ્યુમાં અક્ષયે કહ્યું હતું કે તેનો દીકરો પેઇન્ટિંગ કરવા માંગે છે. સાથે તે ફેશનની દુનિયામાં પણ ઝુકાવ ધરાવે છે.