પોસ્ટપોન થઈ અજય દેવગણની 'Son Of Sardaar 2', જાણો હવે ક્યારે રિલીઝ થશે ફિલ્મ
છેલ્લું અપડેટ : 20 Jul 2025
અજય દેવગણ અને મૃણાલ ઠાકુરની ફિલ્મ 'સન ઓફ સરદાર 2' (Son Of Sardaar 2) વિશે મોટા સમાચાર આવી રહ્યા છે. હવે આ કોમેડી ફિલ્મ તેની નિર્ધારિત તારીખે રિલીઝ નહીં થાય. ફિલ્મ મેકર્સે સોશિયલ મીડિયા પર પોસ્ટ કરી છે કે અજય દેવગણ અને મૃણાલ ઠાકુરની ફિલ્મ 25 જુલાઈએ થિયેટરમાં રિલીઝ નહીં થાય. આ પોસ્ટમાં, મેકર્સે ફિલ્મની નવી રિલીઝ ડેટ પણ જાહેર કરી છે. ફેન્સને 'સન ઓફ સરદાર 2' (Son Of Sardaar 2) થિયેટરમાં જોવા માટે થોડી રાહ જોવી પડશે. ચાલો જાણીએ ફિલ્મ ક્યારે રિલીઝ થશે.
'સન ઓફ સરદાર 2' (Son Of Sardaar 2) ના મેકર્સે છેલ્લી ઘડીએ તેની રિલીઝ ડેટ બદલી છે. અજય દેવગણ અને મૃણાલ ઠાકુરની આગામી ફિલ્મ 'સન ઓફ સરદાર 2' (Son Of Sardaar 2) હવે 1 ઓગસ્ટ, 2025ના રોજ થિયેટરમાં રિલીઝ થશે. મેકર્સે એક પોસ્ટર દ્વારા નવી તારીખની જાહેરાત કરી, જેમાં લખ્યું હતું કે, "હવે આ મજેદાર ફિલ્મ જોવા માટે થોડી રાહ જોવી પડશે." જોકે, રિલીઝમાં ફેરફારનું કારણ શું છે તે અંગે કોઈ માહિતી નથી આપવામાં આવી. ફેન્સે હવે આ કોમેડી ફિલ્મ માટે થોડી રાહ જોવી પડશે.
ફિલ્મનું ટ્રેલર કેવું છે?
'સન ઓફ સરદાર 2' (Son Of Sardaar 2) નું ટ્રેલર 14 જુલાઈના રોજ રિલીઝ થયું હતું. તેની શરૂઆત 2012માં રિલીઝ થયેલી પહેલી ફિલ્મ 'સન ઓફ સરદાર' (Son Of Sardaar) ના એક સીનથી થઈ હતી. ટ્રેલરમાં અજય દેવગણનો દમદાર અંદાજ જોવા મળ્યો હતો, જ્યાં તેણે સીધા પાકિસ્તાન પર કટાક્ષ કર્યો હતો. ટ્રેલરમાં સની દેઓલની ફિલ્મ 'બોર્ડર 2' નો પણ ઉલ્લેખ કરવામાં આવ્યો છે. ફિલ્મના ગીત 'પહલા તુ દુજા તુ' ના હૂક સ્ટેપને કારણે પણ મૃણાલ ઠાકુર અને અજયની જોડી ચર્ચામાં છે.
ફિલ્મની સ્ટાર કાસ્ટ
વિજય કુમાર અરોરા દિગ્દર્શિત 'સન ઓફ સરદાર 2' (Son Of Sardaar 2) માં ઘણા મોટા કલાકારો જોવા મળશે. આ ફિલ્મમાં અજય દેવગણની સાથે મૃણાલ ઠાકુર, રવિ કિશન, સંજય મિશ્રા, નીરુ બાજવા, ચંકી પાંડે, કુબ્રા સૈત, દીપક ડોબરિયાલ, વિંદુ દારા સિંહ, રોશની વાલિયા, શરત સક્સેના, સાહિલ મહેતા અને દિવંગત મુકુલ દેવ જેવા ઘણા જાણીતા ચહેરાઓ છે.
