અભિનેતા રણબીર કપૂરની ફેશનની દુનિયામાં એન્ટ્રી, નવી લાઇફસ્ટાઇલ બ્રાન્ડ કરી લોંચ

અભિનેતા રણબીર કપૂર હવે ફેશનની દુનિયામાં એન્ટ્રી કરી છે. રણબીર કપૂરે તેની બ્રાન્ડ ARKS 14મી ફેબ્રુઆરી એટલે કે વેલેન્ટાઈન ડે પર લોન્ચ કરી છે. જે એક લાઇફસ્ટાઈલ બ્રાન્ડ છે. તેણે આ સ્ટોર મુંબઈના બાંદ્રામાં ખોલ્યો છે.

રણબીર કપૂર કહે છે કે તેની બ્રાન્ડ સિનેમેટિક જર્ની અને ફેશન સેન્સથી પ્રભાવિત છે. તેમની બ્રાન્ડનો હેતુ સ્ટાઈલિશ અને આરામદાયક સ્નીકર્સ જૂતાં બનાવવાનો છે. તે કહે છે કે આ બ્રાન્ડ બનાવવાની પ્રેરણા તેને મુંબઈથી જ મળી હતી. તેમણે વિશ્વના ઘણા શહેરોની મુલાકાત લીધી છે, પરંતુ મુંબઈ જેવું કોઈ શહેર નથી. મુંબઈ એક એવું શહેર છે જે તમને પ્રયાસ કરવા, નિષ્ફળ થવા અને ફરીથી ઊભા રહેવાની પ્રેરણા આપે છે. મુંબઈ મારું ઘર છે, તે મને કંઈક કરવાની પ્રેરણા આપે છે. હું દરેક શેરી અને મહોલ્લામાં ફૂટબોલ રમ્યો છું, ફૂટપાથ પર સાયકલ ચલાવી છે.

ઘણા વર્ષોથી સ્નીકરનો બિઝનેસ કરવા માંગતો હતો

રણબીરે ગયા વર્ષે તેના જન્મદિવસ પર બ્રાડ એઆરકેએસની જાહેરાત કરી હતી. પરંતુ તેના વિશે વધુ વિગતો આપવામાં આવી નથી. રણબીર કપૂરે એક ઈન્ટરવ્યુમાં કહ્યું હતું કે તે હંમેશા સ્નીકર્સનો બિઝનેસ કરવા માંગતો હતો. પરંતુ તે આમ કરવાથી ડરતો હતો કારણ કે તે ભારતીય બજાર વિશે વધુ સમજતો ન હતો.

આ પહેલા આલિયા ભટ્ટે પણ 2020માં દીકરી રાહા કપૂરના જન્મ પછી પોતાની બ્રાન્ડ શરૂ કરી હતી. તેણે પોતાની બ્રાન્ડનું નામ એડ-એ-મેમ રાખ્યું છે. એડ-એ-મેમના બાળકોના કપડાનું સેગમેન્ટ 2-14 વર્ષની વયના બાળકો માટે કપડાં ઓફર કરે છે.