VIDEO: Ranbir Kapoorની 'Ramayanam'માંથી લીક થયો 11 સેકન્ડનો સીન? વીડિયો જોઈ ફેન્સ ગુસ્સે, જાણો શું છે હકીકત

નિતેશ તિવારીની ફિલ્મ 'રામાયણમ્'માંથી કથિત રીતે 11 સેકન્ડનો એક સીન લીક થઈ ગયો છે, જેને ટ્રેલરનો ભાગ હોવાનું કહેવામાં આવી રહ્યું છે. આ સીન જોઈને સોશિયલ મીડિયા યુઝર્સ ગુસ્સે ભરાયા છે અને મેકર્સ પાસે એક્શન લેવાની માંગ કરી રહ્યા છે. પરંતુ આ સીન પાછળનું અસલી સત્ય પણ સામે આવ્યું છે, જેમાં કેટલાક લોકોનો દાવો છે કે આ વીડિયો AI દ્વારા બનાવવામાં આવ્યો છે. 

'રામાયણમ્'ના ટ્રેલરમાંથી લીક થયો 11 સેકન્ડનો સીન?

નિતેશ તિવારીની બિગ બજેટ ફિલ્મ 'રામાયણમ્'ની રિલીઝની દર્શકો આતુરતાપૂર્વક રાહ જોઈ રહ્યા છે. ફેન્સ રણબીર કપૂરને ભગવાન રામ અને યશને લંકાપતિ રાવણના રોલમાં જોવા માટે ખૂબ જ ઉત્સાહિત છે. પરંતુ આ દરમિયાન ફિલ્મની રિલીઝ પહેલા જ તેના ટ્રેલરમાંથી 11 સેકન્ડનો એક સીન લીક થઈ જતાં ચાહકો ગુસ્સે ભરાયા છે અને કડક એક્શનની માંગ કરી રહ્યા છે. જોકે, આ કથિત લીક અંગે હજુ સુધી 'રામાયણમ્'ના મેકર્સ તરફથી કોઈ સત્તાવાર નિવેદન કે પ્રતિક્રિયા આવી નથી.

https://twitter.com/AlwaysBollywood/status/2072334422364520787

X (ટ્વિટર) પર વાયરલ થઈ રહેલા આ વીડિયોમાં રણબીર કપૂર ભગવાન રામના અવતારમાં જોવા મળી રહ્યા છે અને તેઓ એક રાક્ષસનો વધ કરતા નજરે પડે છે. યુઝર્સનો દાવો છે કે આ સીન કથિત રીતે ફિલ્મ 'રામાયણમ્'ના ટ્રેલરનો એક ભાગ છે, જેને તાજેતરમાં જ યોજાયેલા ‘સિનેમાકોન’ (CinemaCon) ઇવેન્ટમાં બતાવવામાં આવ્યો હતો. આ લીકથી નારાજ થયેલા યુઝર્સ સતત મેકર્સને એક્શન લેવા અપીલ કરી રહ્યા છે.

લીક થયેલો સીન AI હોવાનો યુઝર્સનો દાવો, વીડિયો આવ્યો સામે

જોકે, સોશિયલ મીડિયા પર કેટલાક યુઝર્સનું એવું પણ કહેવું છે કે લીક થયેલો આ સીન અસલી નથી, પરંતુ AI દ્વારા જનરેટ કરવામાં આવ્યો છે. આ દાવાના સમર્થનમાં તેઓએ સોશિયલ મીડિયા પર પૂરો વીડિયો પણ શેર કર્યો છે, જે અહીં જોઈ શકાય છે.