10 સેકંડમાં 19 લાખ કરોડ રૂપિયાનું નુકસાન, ભારતીય શેરબજારમાં મોટો હડકંપ

અમેરિકાના રાષ્ટ્રપતિ ડોનાલ્ડ ટ્રમ્પના ટેરિફની અસર સમગ્ર વિશ્વમાં જોવા મળીછે. વિશ્વભરના બજારોમાં ભારે સુનામી જોવા મળી રહી છે. ટેરિફની જાહેરાત બાદ ભારતીય શેરબજારોમાં પણ અઠવાડિયાના પહેલા કારોબારી દિવસે ભારે ઘટાડો જોવા મળ્યો. સેન્સેક્સ 3900થી વધુ પોઈન્ટ ઘટ્યો અને નિફ્ટી પણ 900 થી વધુ પોઈન્ટ ઘટ્યો. આ અઠવાડિયું ખૂબ જ મહત્ત્વપૂર્ણ છે કારણ કે RBI ની દ્વિ-માસિક નાણાકીય નીતિ આ અઠવાડિયાના મધ્યમાં જાહેર કરવામાં આવશે, ત્યારબાદ IT અગ્રણી ટાટા કન્સલ્ટન્સી સર્વિસીસ (TCS) દ્વારા સત્તાવાર ચોથા ક્વાર્ટરના પરિણામો જાહેર કરવામાં આવશે.

આ પણ વાંચો :

Tariff effect/ વિશ્વભરના શેરબજારમાં હડકંપ: જાપાનમાં 8% તો કોરિયન માર્કેટમાં 5%નો ઘટાડો

ભારતીય શેરબજારમાં મોટો ભૂકંપ, સેન્સેક્સ 3900 પોઈન્ટ અને નિફ્ટી 1200 પોઈન્ટ ઘટ્યો, બ્લેક મન્ડે તોડશે રેકોર્ડ

રોકાણકારોએ 19 લાખ કરોડ રૂપિયાથી વધુનું નુકસાન કર્યું

શેરબજારમાં મોટો ઘટાડો જોવા મળી રહ્યો છે. જેના કારણે શેરબજારના રોકાણકારોને ભારે નુકસાન થયું છે. જો આપણે આંકડાઓ પર નજર કરીએ તો, રોકાણકારોને 10 સેકંડમાં 19 લાખ કરોડ રૂપિયાથી વધુનું નુકસાન સહન કરવું પડ્યું. શુક્રવારે જ્યારે બજાર બંધ થયું ત્યારે BSEનું માર્કેટ કેપ રૂ. 4,03,34,886.46 કરોડ હતું, જે સોમવારે સવારે 9.20 વાગ્યે ઘટીને રૂ. 3,83,95,173.56 કરોડ થયું.

આનો અર્થ એ થયો કે રોકાણકારોએ 10 સેકંડમાં  19,39,712.9 કરોડ રૂપિયા ગુમાવ્યા. ટ્રેડિંગ સેશન દરમિયાન આ નુકસાન વધી શકે છે. હકીકતમાં, અમેરિકન ટેરિફની અસર ફક્ત ભારતીય બજાર પર જ નહીં પરંતુ વિશ્વભરના શેરબજારો પર પણ દેખાય છે. દરેક જગ્યાએ ભારે ઘટાડો જોવા મળ્યો છે. ઓસ્ટ્રેલિયા, જાપાન અને તાઇવાનના બજારોમાં પણ ભારે ઘટાડો જોવા મળ્યો છે.