FDમાં ₹1 લાખ જમા કરાવવા પર 10 વર્ષ પછી કેટલા મળશે? જાણો 6% થી 8% વ્યાજ દરનું સંપૂર્ણ ગણિત
છેલ્લું અપડેટ : 04 Oct 2026
શેરબજારમાં અસ્થિરતા વચ્ચે હવે રોકાણકારો સુરક્ષિત અને વધુ રિટર્ન આપતા વિકલ્પો શોધી રહ્યા છે. આ સ્થિતિમાં ફિક્સ્ડ ડિપોઝિટ (FD) રોકાણકારો માટે એક સુરક્ષિત અને આકર્ષક માધ્યમ બનતી જઈ રહી છે. દેશની ઘણી બૅન્કો એફડી પર વધુ વ્યાજ આપી રહી છે, જેથી રોકાણકારોની કમાણી વધવાની પૂરી સંભાવના છે.
સુરક્ષિત રોકાણ તરીકે એફડીનું વધતું આકર્ષણ
શેરબજારમાં અનિશ્ચિતતાને કારણે મોટાભાગના લોકો પોતાના નાણાં સુરક્ષિત રાખવા માટે સરકારી યોજનાઓ અને એફડી તરફ વળી રહ્યા છે. સામાન્ય નાગરિકોને એફડી પર સરેરાશ 7 ટકાથી વધુ વ્યાજ મળે છે, જ્યારે સિનિયર સિટીઝનને 8 ટકા કે તેથી વધુ ફાયદો આપવામાં આવે છે. આ જ કારણ છે કે લોકો લાંબા ગાળા માટે એફડીમાં રોકાણ કરવાનું પસંદ કરી રહ્યા છે.
1 લાખ રૂપિયા પર કેવી રીતે મળશે બમ્પર રિટર્ન
જો તમારી પાસે 1 લાખ રૂપિયાની બચત છે અને તમે તેને 10 વર્ષ માટે એફડીમાં રોકાણ કરવા માંગો છો, તો આ નિર્ણય તમારા માટે ખૂબ જ ફાયદાકારક સાબિત થઈ શકે છે. જો આ ક્યુમુલેટિવ એફડી હોય અને મળતા વ્યાજને એફડીમાં જ જોડાવા દેવામાં આવે, તો તમને કમ્પાઉન્ડિંગ એટલે કે ચક્રવૃદ્ધિ વ્યાજનો જબરદસ્ત લાભ મળે છે.
અલગ-અલગ વ્યાજ દરો પર કમાણીનું ગણિત
વ્યાજ દરોના આધારે 10 વર્ષમાં તમારી આ રકમ નોંધપાત્ર રીતે વધી શકે છે.
જો તમને 6%ના દરે વ્યાજ મળે છે, તો 10 વર્ષ પછી તમારી કુલ રકમ વધીને આશરે 1.81 લાખ રૂપિયા થઈ જશે.
જો વ્યાજ દર 7% વાર્ષિક હોય, તો તમારા 1 લાખ રૂપિયા વધીને સીધા 2 લાખ રૂપિયા એટલે કે લગભગ ડબલ થઈ જશે.
જો બૅન્ક 7.50%નું વ્યાજ ઑફર કરી રહી છે, તો આ રકમ વધીને 2.10 લાખ રૂપિયા સુધી પહોંચી શકે છે.
વળી, જો તમને 8% વાર્ષિક વ્યાજ મળે છે, તો તમારી આ જ પ્રારંભિક રકમ વધીને આશરે 2.21 લાખ રૂપિયા થઈ શકે છે.
સ્માર્ટ ફાઇનાન્સિયલ પ્લાનિંગ
લાંબા સમય સુધી નાણાં રોકાણમાં રાખવાથી કમ્પાઉન્ડિંગનો મોટો ફાયદો મળે છે. યોગ્ય આયોજન અને વ્યાજ દર સાથે, સાચા સમયે કરેલું રોકાણકમાણીને અનેકગણી વધારી શકે છે.
