GST Reforms : 22 સપ્ટેમ્બરે GST લાગુ થયા બાદ દવાઓ સસ્તી થશે, NPPA દવા કંપનીઓને આપ્યા નિર્દેશ
છેલ્લું અપડેટ : 14 Sept 2025
GST Reforms : નેશનલ ફાર્માસ્યુટિકલ પ્રાઈસિંગ ઓથોરિટી (NPPA) એ દવાઓ અને તબીબી ઉપકરણો બનાવતી કંપનીઓને ખાસ સૂચનાઓ આપી છે. NPPA એ કંપનીઓને 22 સપ્ટેમ્બરથી નવા GSTના અમલીકરણ સાથે ગ્રાહકોને તમામ લાભો આપવા જણાવ્યું છે. ઓથોરિટીએ એક આદેશમાં જણાવ્યું હતું કે, "GST દરમાં ઘટાડાનો લાભ 22 સપ્ટેમ્બર, 2025થી ગ્રાહકો અને દર્દીઓને મળશે. દવાઓ વેચતી તમામ ઉત્પાદકો અને માર્કેટિંગ કંપનીઓ 22 સપ્ટેમ્બરથી દવાઓ (તબીબી ઉપકરણો સહિત) ની કિંમતમાં સુધારો કરશે."
કંપનીઓએ નવી કિંમતની યાદી પ્રસિદ્ધ કરવી પડશે
એનપીપીએ અનુસાર, નિર્માતા અને માર્કેટિંગ કંપનીઓ ડીલરો, છૂટક વેચાણકરનારાએ, રાજ્ય ફૂડ કંટ્રોલર અને સરકારના નવા જીએસટી દરો અને નવી કિંમતો દર્શાવતી એક નવી મૂલ્ય યાદી જાહેર કરવી પડશે. આમાં કહેવામાં આવ્યું છે કે નિર્માતા અને માર્કેટિંગ કંપનીઓ ઈલેકટ્રોનિક, પ્રિન્ટ અને સોશિયલ મીડિયા સહિત જુદાજુદા માધ્યમોથી જીએસટી દરોમાં ઘટાડા અંગે જાગૃત કરવા તાત્કાલિક ઉપાય કરશે.
અખબારોમાં પણ જાહેરાત અપાશે
NPPA અનુસાર, 22 સ્પટેમ્બર 2025થી તાત્કાલિક અશરથી સંશોધિત જીએસટી દરોનું પાલન કરવાનું નક્કી કરવા ડીલરો, છૂટક વેચાણ કરનારાઓ સુધી પહોંચવા સ્થાનિક ભાષાના અખબારો સહિત રાષ્ટ્રીય છાપામાં જાહેરાત થશે.
5 ટકાના સ્લેબમાં આવતી દવાઓ પર GST લાગશે નહીં
એ સ્પષ્ટ કરવામાં આવે છે કે 22 સપ્ટેમ્બર, 2025 પહેલા બજારમાં રિલીઝ થયેલા સ્ટોકના કન્ટેનર અથવા પેકને રિકોલ, રિ-લેબલિંગ અથવા રિ-સ્ટીકરિંગ ફરજિયાત નથી, જો ઉત્પાદકો/માર્કેટિંગ કંપનીઓ આ પગલાં દ્વારા રિટેલર સ્તરે ભાવ પાલન નક્કી કરી શકે. તમને જણાવી દઈએ કે 56મી GST કાઉન્સિલની બેઠકમાં મુખ્ય દવાઓ પર GST દર ૫ ટકાથી ઘટાડીને 0 ટકા કરવાની ભલામણ કરવામાં આવી છે. જે દવાઓ પર અગાઉ 12 ટકાના દરે GST લાગતો હતો તેને 5 ટકાના દરે GSTમાં બદલવામાં આવ્યો નથી.