VIDEO: પતિને 'આળસુ, વાહિયાત અને મૂર્ખ' કહેવા પર Flipkartને માગવી પડી માફી, પછી લીધું આ મોટું પગલું
Flipkartએ જાહેરાત માટે આખરે માફી માગી છે જેમાં
Flipkartએ જાહેરાત માટે આખરે માફી માગી છે જેમાં તેણે પુરુષોને ખાસ કરીને પતિને આળસુ, મૂર્ખ અને વાહિયાત કહ્યા છે. જાહેરખબરમાં પતિઓને ખરાબ વર્તન કરતા દર્શાવવામાં આવ્યા હતા. નેશનલ કાઉન્સિલ ફોર મેને આ જાહેરાતને પતિઓને ખરાબ વ્યવહાર કરનાર ગણાવ્યા હતા અને તેને તાત્કાલિક અસરથી દૂર કરવા જણાવ્યું હતું.
આ જાહેરાતમાં શું હતું
ઈ-કોમર્સ સાઈટ ફ્લિપકાર્ટ તેની જાહેરાતો માટે દરરોજ નવી રીત અપનાવે છે. આ ક્રમમાં તાજેતરમાં તેણે સાઇટ પર મહિલા ઉત્પાદનોના વેચાણને પ્રોત્સાહન આપવા માટે એક વીડિયો પોસ્ટ કર્યો. વીડિયોમાં મહિલા ટ્રક ભરીને હેન્ડબેગનો ઓર્ડર કરી રહી છે. વીડિયોમાં આટલી મોટી સંખ્યામાં બેગ છુપાવવા માટે વિવિધ પદ્ધતિઓ સમજાવવામાં આવી છે, જેમાં પતિને 'આળસુ, વાહિયાત અને મૂર્ખ' કહીને તેમનું અપમાન કરવામાં આવ્યું છે, એવું માનીને NCM ઈન્ડિયા કાઉન્સિલ ફોર મેન અફેર્સે તેની વિરુદ્ધ ફરિયાદ કરી અને કાર્યવાહી કરી.
NCM ઈન્ડિયા કાઉન્સિલ ફોર મેન અફેર્સ
NCM ઈન્ડિયા કાઉન્સિલ ફોર મેન અફેર્સે આ બાબતને ગંભીરતાથી લીધી અને કહ્યું કે, વોલમાર્ટ સમર્થિત આ કંપનીની આ જાહેરાત પુરુષોને ખરાબ રીતે બતાવી રહી છે. NCM ઈન્ડિયા કાઉન્સિલ ફોર મેન અફેર્સે આ જાહેરાતને ભ્રામક ગણાવી છે. ઉપરાંત, પતિ માટે આળસુ, મૂર્ખ અને વાહિયાત જેવા શબ્દોનો ઉપયોગ કરવા બદલ ફ્લિપકાર્ટને મજબૂત સંદેશ આપવામાં આવ્યો છે.
ફ્લિપકાર્ટે માફી માગી અને હટાવી દીધી જાહેરાત
આ જાહેરાત બતાવે છે કે મહિલાઓ તેમના પતિની મદદ વગર તેમની શોપિંગ બેગ લઈ જવા માટે ઓનલાઈન ખરીદી કરે છે અને જાહેરાતમાં અલગ-અલગ સમયે આળસુ, મૂર્ખ અને વાહિયાત જેવા શબ્દોનો ઉપયોગ કરીને તેમના પતિના દુરૂપયોગી નિરૂપણ સાથે બતાવવામાં આવે છે.
ફ્લિપકાર્ટનું બિગ બિલિયન ડેઝ સેલ શરૂ
ફ્લિપકાર્ટના બિગ બિલિયન ડેઝ સેલમાં લોકોને ખરીદી કરવા આકર્ષતી આ જાહેરાતથી ફ્લિપકાર્ટને જ ભારે નુકસાન થઈ રહ્યું હોય તેવું લાગે છે. જોકે, કંપનીએ આ માટે માફી માગી છે અને તેના ગ્રાહકોને ઓનલાઈન શોપિંગ માટે પ્રોત્સાહિત કરવા માટે વિવિધ પ્રકારની જાહેરાતોનો આશરો લઈ રહી છે. 3જી ઓક્ટોબરથી નવરાત્રિ શરૂ થઈ રહી છે અને કંપની તહેવારોની સિઝનમાં ગ્રાહકોને તેમની સાથે જોડી રાખવા માટે તેની ખાસ વ્યવસ્થા કરવાનો પ્રયાસ કરી રહી છે.
