BUDGET 2026/ કન્ટેન્ટ ક્રિએટર્સને જલસા, 15000 શાળાઓમાં ખુલશે લેબ અને ગેમિંગમાં 10 લાખ નોકરીઓ

કેન્દ્રીય નાણામંત્રી નિર્મલા સીતારામને આજે રજૂ કરેલા બજેટ ૨૦૨૬માં ભારતની યુવા શક્તિ અને ડિજિટલ ઈકોનોમી માટે અનેક ઐતિહાસિક જાહેરાતો કરી છે. ટેકનોલોજી અને ઇનોવેશનને 'વિકસિત ભારત'નું સૌથી મોટું એન્જિન ગણાવતા નાણામંત્રીએ સ્પષ્ટ કર્યું છે કે ભારત હવે માત્ર ટેકનોલોજીનો ઉપયોગ જ નહીં કરે, પરંતુ વૈશ્વિક સ્તરે તેનું નેતૃત્વ કરશે.

આ પણ વાંચો :

Budget 2026: જમ્મુ કાશ્મિર સહિત આ રાજ્યોમાં પર્વતીય ટ્રેલ્સ વિકસાવવામાં આવશે

BUDGET-2026/ "ભારત આત્મવિશ્વાસપૂર્વક વિકસિત ભારત તરફ આગળ વધતું રહેશે"

કન્ટેન્ટ ક્રિએટર ઈકોનોમી માટે મોટું એલાન

ક્રિએટર ઈકોનોમીના વધતા જતા પ્રભાવને જોતા સરકારે અભ્યાસની સાથે સાથે કન્ટેન્ટ ક્રિએશનને પ્રોત્સાહન આપવાનો નિર્ણય કર્યો છે.

સ્કૂલ અને કોલેજમાં લેબ: દેશની 15000  સેકન્ડરી શાળાઓ અને 500  કોલેજોમાં અત્યાધુનિક 'કન્ટેન્ટ ક્રિએટર લેબ્સ' સ્થાપવામાં આવશે.

ABGC સેક્ટર પર ભાર: એનિમેશન (Animation), વિઝ્યુઅલ ઈફેક્ટ્સ (Visual Effects), ગેમિંગ (Gaming) અને કોમિક્સ (Comics) માટે ખાસ સેટઅપ તૈયાર કરવામાં આવશે. આનાથી વિદ્યાર્થીઓ નાની ઉંમરથી જ ડિજિટલ કન્ટેન્ટ બનાવવાના કૌશલ્યો શીખી શકશે.

ગેમિંગ સેક્ટરમાં 10  લાખ નોકરીઓ

ભારતનું ગેમિંગ માર્કેટ વિશ્વમાં સૌથી ઝડપથી વધી રહ્યું છે. આ ક્ષમતાનો લાભ લેવા માટે નાણામંત્રીએ મોટી જાહેરાત કરી છે:

આગામી સમયમાં ગેમિંગ સેક્ટરમાં 10 લાખથી વધુ પ્રોફેશનલ્સની ભરતી કરવામાં આવશે.

નવા કન્ટેન્ટ ક્રિએટર લેબ્સ દ્વારા યુવાનોને ગેમ ડિઝાઇનિંગ અને ડેવલપમેન્ટ શીખવવામાં આવશે.

ડિઝાઈન એજ્યુકેશન માટે દેશમાં નવી નેશનલ ડિઝાઈન શાળાઓ ખોલવાની પણ દરખાસ્ત મૂકવામાં આવી છે.

AI (આર્ટિફિશિયલ ઇન્ટેલિજન્સ) અને ફ્યુચર ટેક

નાણામંત્રીએ AI ને અર્થતંત્રના મલ્ટિપ્લાયર (Multiplier) તરીકે ગણાવ્યું છે.

ગવર્નન્સમાં AI: સરકારી સેવાઓ અને ગવર્નન્સને વધુ પારદર્શક અને ઝડપી બનાવવા માટે AI નો ઉપયોગ વધારવામાં આવશે. દેશના તમામ જિલ્લાઓમાં AI-આધારિત સોલ્યુશન્સને પ્રોત્સાહન અપાશે.

10000 ટેક ફેલોશિપ: IITs અને IISc માં ભણતા વિદ્યાર્થીઓ માટે 10000 નવી ટેક ફેલોશિપ શરૂ કરવામાં આવશે, જેથી AI અને ડીપ-ટેક (Deep-Tech) માં સંશોધન વધી શકે.

ઇન્ફ્રાસ્ટ્રક્ચર અને ઇન્ટરનેટ

ડિજિટલ ઈન્ડિયાના આગામી તબક્કા માટે સરકારે ઇન્ફ્રાસ્ટ્રક્ચર બજેટ વધારીને ₹12.2  લાખ કરોડ કર્યું છે.

આનાથી દેશમાં 5G અને 6G કનેક્ટિવિટીનો વ્યાપ વધશે.

ડેટા સેન્ટર્સનું નેટવર્ક મજબૂત કરાશે, જે કન્ટેન્ટ ક્રિએટર્સને હાઈ-સ્પીડ ઈન્ટરનેટ અને સ્ટોરેજ સુવિધાઓ પૂરી પાડશે.

ટેલિકોમ અને ડિજિટલ પબ્લિક ઇન્ફ્રાસ્ટ્રક્ચર (DPI) ને ભારતની અર્થવ્યવસ્થાનું 'ઓપરેટિંગ સિસ્ટમ' ગણાવવામાં આવ્યું છે.

રોબોટિક્સ અને ડીપ-ટેક સ્ટાર્ટઅપ્સ

એડવાન્સ મેન્યુફેક્ચરિંગ માટે સરકારે નવી નીતિનો પ્રસ્તાવ રજૂ કર્યો છે. આ નીતિ હેઠળ ડીપ-ટેક, રોબોટિક્સ અને AI સ્ટાર્ટઅપ્સને વિશેષ ઈન્સેન્ટિવ (પ્રોત્સાહન) આપવામાં આવશે. આ પગલું ભારતને ડિજિટલ મેન્યુફેક્ચરિંગમાં ચીન અને અમેરિકાની હરોળમાં લાવી દેશે.

હેલ્થ અને ટેકનોલોજી: 'બાયોફાર્મા શક્તિ'

હેલ્થકેર ક્ષેત્રમાં ડિજિટલ ઈકોસિસ્ટમને મજબૂત કરવા માટે ૧૦,૦૦૦ કરોડ રૂપિયાની 'બાયોફાર્મા શક્તિ' યોજના શરૂ કરવામાં આવી છે. આ યોજના કેન્સર અને ડાયાબિટીસ જેવી બીમારીઓના નિદાન માટે ટેકનોલોજીનો ઉપયોગ વધારશે.

બજેટ ૨૦૨૬: ટેક હાઈલાઈટ્સ એક નજરમાં