Auto News:  ટાટા પંચને પછાડી આ SUV બની લોકોની પહેલી પસંદ, ટોપ-10માં આ ગાડી રહી નંબર 1

ભારતમાં SUVની માંગ સતત ઝડપથી વધી રહી છે, પરંતુ જૂન 2025ના વેચાણ અહેવાલમાં ઘણા મોટા ઉતાર-ચઢાવ જોવા મળ્યા. કેટલાક મનપસંદ મોડેલોએ પોતાનું સ્થાન ગુમાવ્યું જ્યારે કેટલાકે શાનદાર વાપસી કરી. અહીં જાણો  ટોપ-10 SUVની આ યાદીમાં કોણ જીત્યું અને કોને મોટો ઝટકો લાગ્યો.

હ્યુન્ડાઇ ક્રેટા ફરી લોકોની પહેલી પસંદ બની

હ્યુન્ડાઇની ક્રેટાએ જૂનમાં 15,786 યુનિટના વેચાણ સાથે પ્રથમ સ્થાન જાળવી રાખ્યું. જોકે, ગયા વર્ષની સરખામણીમાં આ 3%નો ઘટાડો છે. આમ છતાં ક્રેટા હજુ પણ મધ્યમ કદના SUV સેગમેન્ટમાં સૌથી મજબૂત પકડ ધરાવે છે.

2-મારુતિ બ્રેઝાના વેચાણમાં 10 ટકાનો વધારો

મારુતિ બ્રેઝાએ સારું પ્રદર્શન કર્યું અને 14,507 યુનિટ વેચ્યા. આ વાર્ષિક ધોરણે 10 ટકાનો વધારો છે, જે આ SUVને સીધા બીજા સ્થાને લઈ જાય છે.

3-મહિન્દ્રા સ્કોર્પિયોએ જોરદાર વાપસી કરી

મહિન્દ્રા સ્કોર્પિયોએ પણ સારું પ્રદર્શન કર્યું અને 12,740 યુનિટ વેચ્યા. આ ગયા વર્ષ કરતા 4 ટકા વધુ છે. ક્લાસિક અને N વર્ઝનની સંયુક્ત તાકાતે તેને ત્રીજું સ્થાન આપ્યું.

4- ટાટા નેક્સનના વેચાણમાં 4 ટકાનો ઘટાડો

એક સમયે નંબર વન એસયુવી ગણાતી નેક્સનને આ વખતે 11,602  યુનિટ સાથે ચોથા સ્થાને સંતોષ માનવો પડ્યો. તેના વેચાણમાં ૪ ટકાનો ઘટાડો થયો છે, જે ટાટા માટે ચિંતાનો વિષય બની શકે છે.

5- ટાટા પંચના વેચાણમાં 43 ટકાનો ઘટાડો

સૌથી આશ્ચર્યજનક નામ ટાટા પંચ હતું. જૂન 2024માં શાનદાર વેચાણ થયેલી આ એસયુવી આ વખતે માત્ર 10,446 યુનિટ જ વેચી શકી. એટલે કે, ૪૩ ટકાનો સીધો ઘટાડો અને પાંચમા સ્થાને સરકી ગઈ.

ટોચની 10 SUV વેચાણ યાદી