Auto News: લોકપ્રિય આ કાર 2 લાખથી વધુ થઈ સસ્તી, જાણો કેટલા સમય સુધી ઓફર્સનો મળશે લાભ?
છેલ્લું અપડેટ : 04 Jul 2025
Volkswagenને ભારતમાં તેના વાર્ષિક ઓટોફેસ્ટ 2025ની શરૂઆત ખૂબ જ ધામધૂમથી કરી છે. આ ખાસ વેચાણ ઇવેન્ટ જુલાઈના અંત સુધી ચાલશે અને આ અંતર્ગત કંપની તેના ગ્રાહકોને ઘણી આકર્ષક ઑફર્સ આપી રહી છે. જો તમે આ સમયે નવી કાર ખરીદવાનું વિચારી રહ્યા છો, તો ફોક્સવેગનના આ ફેસ્ટમાં તમને બમ્પર લાભ મળી શકે છે. અહીં જાણો આનાથી તમને કેટલો ફાયદો થશે.
ઓટોફેસ્ટ 2025માં શું ખાસ છે?
આ ઇવેન્ટ દ્વારા ફોક્સવેગન ગ્રાહકોને કાર ખરીદવા પર ડિસ્કાઉન્ટ તો આપી રહ્યું જ છે, સાથે જૂના વાહનો માટે એક્સચેન્જ બોનસ, બ્રાન્ડ પ્રત્યે વફાદાર ગ્રાહકોને લોયલ્ટી રિવોર્ડ્સ, સરળ ફાઇનાન્સ સ્કીમ્સ અને ઘણા સર્વિસ પેકેજો પણ ઓફર કરી રહ્યું છે. આ સાથે ગ્રાહકો મફત ટેસ્ટ ડ્રાઇવ અને વાહન મૂલ્યાંકન જેવી સુવિધાઓનો પણ લાભ લઈ શકે છે, જેથી તે કાર ખરીદતા પહેલા સારી સમજ મેળવી શકે.
કઈ કાર પર ડિસ્કાઉન્ટ ઉપલબ્ધ છે?
ફોક્સવેગન આ ફેસ્ટમાં તેની બે સૌથી વધુ વેચાતી કાર Virtus સેડાન અને Taigun પર ખાસ ડિસ્કાઉન્ટ આપી રહી છે. કંપનીના જણાવ્યા અનુસાર, આ કાર પર ભારે ડિસ્કાઉન્ટની સાથે એક્સચેન્જ અને લોયલ્ટી બોનસ પણ ઓફર કરવામાં આવી રહ્યા છે. Taigun SUV પર કુલ 2.5 લાખ રૂપિયા સુધીનું ડિસ્કાઉન્ટ આપવામાં આવી રહ્યું છે. તેમજ Virtus સેડાન પર 1.7 લાખ રૂપિયા સુધીનું ડિસ્કાઉન્ટ આપવામાં આવી રહ્યું છે. જો તમે તમારી જૂની કાર એક્સચેન્જ કરો છો અથવા ફોક્સવેગનના જૂના ગ્રાહક છો, તો તેને 1 લાખ રૂપિયા સુધીનો વધારાનો લાભ મળી શકે છે.
Volkswagenની વર્તમાન લાઇનઅપ
Volkswagen હાલમાં ભારતીય બજારમાં આ કાર વેચી રહી છે
Taigun: 11.80 લાખ થી 19.83 લાખ (એક્સ- શો રૂમ)
Virtus: 11.56 લાખ થી 19.40 લાખ (એક્સ- શો રૂમ)
Tiguan R-Line: 49 લાખ (એક્સ- શો રૂમ)
Golf GTI: 53 લાખ (એક્સ- શો રૂમ)
આ ઑફર્સ કેટલા સમય માટે માન્ય છે?
આ બધી ઑફર્સ ફક્ત જુલાઈ 2025ના અંત સુધી માન્ય રહેશે. તો જો તમે કોઈપણ Volkswagen કાર ખરીદવાનું વિચારી રહ્યા છો, તો આ તક ગુમાવશો નહીં અને વધુ માહિતી માટે તમે તમારા નજીકના Volkswagen શોરૂમનો સંપર્ક કરી શકો છો અથવા ટેસ્ટ ડ્રાઇવ બુક કરી શકો છો.
