Auto News : GST 2.0 અમલ બાદ આ 10 લોકપ્રિય કાર થઈ સૌથી સસ્તી, કિંમતોમાં આટલા લાખ સુધીનો થયો ઘટાડો
છેલ્લું અપડેટ : 23 Sept 2025
દેશભરના કાર ખરીદનારાઓ માટે સારા સમાચાર છે. તહેવારોની મોસમ પહેલા મધ્યમ વર્ગના પરિવારોને નોંધપાત્ર રાહત મળવાની છે. મોદી સરકારે તહેવારોની મોસમ દરમિયાન લોકોને નોંધપાત્ર રાહત આપી છે. સોમવારથી નવરાત્રીની શરૂઆત સાથે નવા GST દરો પણ અમલમાં આવ્યા. GST દરો અમલમાં આવ્યા બાદ XUV700, Kia Ciros, Tata Punch અને અન્ય ઘણા લોકપ્રિય મોડેલો હવે 1 લાખથી વધુ સસ્તા થઈ ગયા છે.
ટાટા હેરિયર અને સફારી: ટાટા હેરિયર અને સફારી બંને ટાટાના શક્તિશાળી વાહનો છે. 2.0-લિટર ડીઝલ એન્જિન ધરાવતી આ SUVની કિંમતમાં 1.43 લાખ સુધીનો ઘટાડો કરવામાં આવ્યો છે.
મહિન્દ્રા થાર અને થાર રોક્સ: તેમના મજબૂત દેખાવ અને ઑફ-રોડ ક્ષમતાઓ માટે જાણીતી થાર અને થાર રોક્સની કિંમતમાં હવે 1.55 લાખ સુધીનો ઘટાડો કરવામાં આવ્યો છે.
ટાટા પંચ: ભારતની સૌથી વધુ વેચાતી કારોમાંની એક હવે 1.58 લાખ સુધી સસ્તી થઈ ગઈ છે. તે ટાટાની સૌથી નાની SUV પણ છે.
ફોક્સવેગન ટિગન અને વર્ચસ: 1.5-લિટર TSI એન્જિન ધરાવતી આ ગાડીમાં હવે 1.63 લાખ સુધી ઘટાડો થયો છે છે. આ ગાડીઓ પ્રીમિયમ ફીચર્સ અને અદભુત દેખાવ સાથે આવે છે.
કિયા સોનેટ: નેક્સન, વેન્યુ અને બ્રેઝા સાથે સ્પર્ધા કરતી કિયા સોનેટ હવે 1.64 લાખ સુધીના લાભો સાથે ઉપલબ્ધ છે.
કિયા સેરોસ: આ વર્ષની શરૂઆતમાં લોન્ચ થયેલી કિયાની નવી કોમ્પેક્ટ SUV સાયરોસ હવે પસંદગીના વેરિયન્ટ પર 1.86 લાખ સુધી સસ્તી છે.
મહિન્દ્રા સ્કોર્પિયો અને સ્કોર્પિયો N: મહિન્દ્રાની લોકપ્રિય SUV સ્કોર્પિયોની કિંમતમાં પણ નોંધપાત્ર ઘટાડો કરવામાં આવ્યો છે. પેટ્રોલ અને ડીઝલ બંને એન્જિનમાં ઉપલબ્ધ, આ SUV હવે 2.15 લાખ સુધીના લાભો સાથે આવે છે.
મહિન્દ્રા XUV700: મહિન્દ્રાની ફ્લેગશિપ SUVની કિંમતમાં નોંધપાત્ર ઘટાડો જોવા મળ્યો છે. લોકપ્રિય 3-રો SUV, XUV700, હાલના સ્ટોક પર 2.24 લાખ સુધીના ડિસ્કાઉન્ટ સાથે ઉપલબ્ધ છે.
મહિન્દ્રા XUV3XO: ટાટા નેક્સન, મારુતિ બ્રેઝા, કિયા સોનેટ અને હ્યુન્ડાઇ વેન્યુની આ હરીફ કાર પસંદગીના વેરિયન્ટ પર 2.46 લાખ સુધીનું ડિસ્કાઉન્ટ મેળવી રહી છે.
મહિન્દ્રા બોલેરો અને બોલેરો નીઓ: આ 1.5-લિટર ડીઝલ સંચાલિત વાહનો હજુ પણ ટાયર-2 અને ટાયર-3 બજારો અને સરકારી કાફલામાં લોકપ્રિય છે. વેરિઅન્ટના આધારે લાભ હવે 2.56 લાખ સુધીનો છે.
