VIDEO: દેશની સૌથી વધુ વેચાતી 5-સીટર ફેમિલી CNG કાર: 33Kmની જોરદાર માઇલેજ સાથે કિંમત પણ પોસાય તેટલી
છેલ્લું અપડેટ : 16 Jul 2026
દેશના સીએનજી (CNG) સેગમેન્ટમાં મારુતિ સુઝુકીનો એકતરફી દબદબો જોવા મળે છે. તેનું મુખ્ય કારણ કંપની પાસે સૌથી મોટો CNG પોર્ટફોલિયો અને વાહનોની શાનદાર માઇલેજ છે. છેલ્લા એક વર્ષથી મારુતિ ડિઝાયરે (Dzire) આ માર્કેટમાં પોતાની પકડ ખૂબ મજબૂત કરી લીધી છે. આ CNG સેડાન કારે દેશના અન્ય સેગમેન્ટ પર પણ પોતાનું વર્ચસ્વ જમાવ્યું છે.
ડિઝાયરની આ સફળતા પાછળ તેની જોરદાર માઇલેજનો મોટો હાથ છે. આ કાર પ્રતિ કિલો CNG પર 33 કિલોમીટરથી પણ વધુની માઇલેજ આપે છે. આ જ કારણે છેલ્લા કેટલાક મહિનાઓથી આ કાર સતત દેશની ટોપ-10 કારની યાદીમાં મોખરે રહી છે. જૂન મહિનામાં જ આ કારના 17,899 યુનિટ્સ વેચાયા હતા.
નાણાકીય વર્ષ 2026માં પણ ડિઝાયરના CNG વેરિઅન્ટના 1,35,330 યુનિટ્સનું વેચાણ થયું હતું. એટલે કે, દર મહિને સરેરાશ 11,277 ગ્રાહકોએ આ કાર ખરીદી છે. કોમર્શિયલ વ્હીકલ એટલે કે ટેક્સી સેગમેન્ટમાં પણ ડિઝાયર CNGની ભારે ડિમાન્ડ છે. મારુતિ ડિઝાયરની શરૂઆતી એક્સ-શોરૂમ કિંમત ₹6,25,600 છે, જ્યારે તેના CNG વેરિઅન્ટની શરૂઆતી એક્સ-શોરૂમ કિંમત ₹8,03,100 છે.
મારુતિ ડિઝાયરના ફીચર્સ અને સ્પેસિફિકેશન્સ
નવી ડિઝાયરમાં સ્વિફ્ટ કારવાળું જ 1.2-લીટર, 3-સિલિન્ડર નેચરલી એસ્પિરેટેડ પેટ્રોલ એન્જિન આપવામાં આવ્યું છે. આ એન્જિન 80bhpનો મેક્સિમમ પાવર અને 112Nm નો પીક ટોર્ક જનરેટ કરે છે, જેને 5-સ્પીડ મેન્યુઅલ અથવા AMT ટ્રાન્સમિશન સાથે જોડવામાં આવ્યું છે. તેના CNG વેરિઅન્ટની માઇલેજ 33.73 કિમી/કિલો છે. આ કાર LXi, VXi, ZXi અને ZXi Plus વેરિઅન્ટમાં ઉપલબ્ધ છે.
ડિઝાયર તેના એગ્રેસિવ ફ્રન્ટ બમ્પર, હોરિઝોન્ટલ DRLs સાથેની સ્ટાઇલિશ LED હેડલાઇટ્સ, નવી પહોળી ગ્રિલ અને રિ-ડિઝાઇન કરેલા ફોગ લેમ્પ હાઉસિંગને કારણે એકદમ અલગ અને પ્રીમિયમ લુક આપે છે. આ સેડાનની શોલ્ડર લાઇન હવે પહેલા કરતાં વધુ ઉભરીને આવે છે. અન્ય ફીચર્સની વાત કરીએ તો તેમાં શાર્ક ફિન એન્ટેના, બૂટ લિડ સ્પોઇલર અને ક્રોમ સ્ટ્રિપ સાથે જોડાયેલી Y-શેપની LED ટેલલાઇટ્સ સામેલ છે.
ઇન્ટિરિયર અને સેફ્ટી ફીચર્સ
ડિઝાયરના ઇન્ટિરિયરમાં બેઝ અને બ્લેક કલરની થીમ સાથે ડેશબોર્ડ પર ફોક્સ વુડ એક્સેન્ટ (લાકડા જેવી ડિઝાઇન) આપવામાં આવ્યા છે. આ કારમાં એનાલોગ ડ્રાઇવર ડિસ્પ્લે, ક્રૂઝ કંટ્રોલ, એપલ કારપ્લે અને એન્ડ્રોઇડ ઓટોની વાયરલેસ કનેક્ટિવિટી સાથે 9-ઇંચની ટચસ્ક્રીન, રિયર એસી વેન્ટ્સ અને સિંગલ-પેન સનરૂફ જેવા આધુનિક ફીચર્સ મળે છે.
સેફ્ટીની દૃષ્ટિએ આ કાર ખૂબ જ મજબૂત છે. મારુતિ સુઝુકીની આ સેડાનમાં રિયર પાર્કિંગ સેન્સર્સ, ઇલેક્ટ્રોનિક સ્ટેબિલિટી કંટ્રોલ (ESC), 6 એરબેગ્સ (સ્ટાન્ડર્ડ) અને સેગમેન્ટમાં પહેલીવાર 360-ડિગ્રી કેમેરા જેવા સેફ્ટી ફીચર્સ આપવામાં આવ્યા છે. આ મારુતિ કંપનીની પહેલી એવી કાર છે જેને ગ્લોબલ NCAP (Global NCAP) ક્રેશ ટેસ્ટમાં 5-સ્ટાર સેફ્ટી રેટિંગ મળ્યું છે. આ સાથે જ ભારત NCAP ક્રેશ ટેસ્ટમાં પણ તેને 5-સ્ટાર સેફ્ટી રેટિંગ મળેલું છે.
