ખેડૂતો માટે બન્યા પ્રેરણાસ્ત્રોત, રોનક પટેલને ‘બેસ્ટ ફાર્મર્સ એવોર્ડ’

શ્રી સી.ડી. પટેલ મહાવિદ્યામંડળના માનદ મંત્રી રોનક અજીતભાઈ પટેલને કૃષિ ક્ષેત્રે વૈજ્ઞાનિક અભિગમ અને આગવી કોઠાસૂઝથી પિયત ખેતીમાં નવીનતા લાવવા બદલ રાજ્ય સરકાર દ્વારા વર્ષ ૨૦૨૪-૨૫નો જિલ્લા કક્ષાનો ‘બેસ્ટ આત્મા ફાર્મર્સ એવોર્ડ’ એનાયત કરાયો છે. રાજ્યના કૃષિ મંત્રી જીતુભાઈ વાઘાણીના હસ્તે તેમને પ્રશસ્તિપત્ર અને પુરસ્કાર આપી સન્માનિત કરાયા. આ સિદ્ધિ બદલ સંચાલક મંડળમાં ગૌરવની લાગણી પ્રસરી છે.