વિશ્વ સાક્ષરતા દિન ટેકર ફ. વર્ગ પ્રાથમિક શાળા ખાતે યોજાયો.

ટેકર: ટેકર ફ. પ્રાથમિક શાળા ખાતે વિશ્વ સાક્ષરતા દિનની ઉત્સાહભેર ઉજવણી કરવામાં આવી હતી. આ પ્રસંગે વિદ્યાર્થીઓને શિક્ષણ અને સાક્ષરતાનું મહત્વ સમજાવવા વિવિધ શૈક્ષણિક પ્રવૃત્તિઓનું આયોજન કરવામાં આવ્યું હતું.

કાર્યક્રમ દરમિયાન વિદ્યાર્થીઓને સાક્ષરતાના મહત્વ તેમજ વ્યક્તિના જીવન અને સમાજના વિકાસમાં શિક્ષણની ભૂમિકા અંગે માર્ગદર્શન આપવામાં આવ્યું હતું. વિદ્યાર્થીઓએ વિવિધ શૈક્ષણિક પ્રવૃત્તિઓમાં ઉત્સાહપૂર્વક ભાગ લીધો હતો. આ ઉપરાંત શાળાના બાળકો દ્વારા રેલીનું આયોજન કરવામાં આવ્યું હતું, જેમાં સાક્ષરતાને લગતા વિવિધ સૂત્રોચ્ચાર કરવામાં આવ્યા હતા.

શાળાના શિક્ષકોએ વિદ્યાર્થીઓને સમજાવ્યું હતું કે સાક્ષરતા માત્ર વાંચવા-લખવાની ક્ષમતા પૂરતી મર્યાદિત નથી, પરંતુ વ્યક્તિને આત્મનિર્ભર અને સશક્ત બનાવવાનું મહત્વનું માધ્યમ છે. વિદ્યાર્થીઓને નિયમિત અભ્યાસ કરવા તેમજ શિક્ષણ દ્વારા પોતાના અને સમાજના વિકાસમાં યોગદાન આપવા પ્રેરણા આપવામાં આવી હતી.

આ પ્રસંગે શાળાના આચાર્ય કિશોરકુમાર પરમાર, ખરોડ સી.આર.સી. જસવંતભાઈ પરીખ, શિક્ષકગણ અને વિદ્યાર્થીઓ ઉપસ્થિત રહ્યા હતા. સમગ્ર કાર્યક્રમ ઉત્સાહપૂર્ણ અને જ્ઞાનવર્ધક વાતાવરણમાં સંપન્ન થયો હતો.