GSTV જર્નાલિસ્ટવાચકના સમાચાર
મહારાષ્ટ્રથી ટ્રેનમાં ગાંજો, અમદાવાદમાં સપ્લાય પહેલાં જ SOGનો સપાટો! 21.980 કિલો જથ્થા સાથે બે ઝડપાયા
રિપોર્ટેડ બાય: પંકજ મકવાણા, Ahmedabadપ્રકાશિત :
મહારાષ્ટ્રથી ટ્રેનમાં ગાંજો, અમદાવાદમાં સપ્લાય પહેલાં જ SOGનો સપાટો! 21.980 કિલો જથ્થા સાથે બે ઝડપાયા
અમદાવાદ શહેરમાં નાર્કોટિક્સના ગેરકાયદેસર કારોબાર સામે એસ.ઓ.જી. ક્રાઇમ બ્રાન્ચે મોટી કાર્યવાહી કરતાં મહારાષ્ટ્રથી ટ્રેન મારફતે અમદાવાદ લાવવામાં આવેલો ગાંજાનો જથ્થો ઝડપી પાડ્યો છે. ગોમતીપુર પતરાવાળી મસ્જિદ સામે મીટર ગેજ રોડ પર કરવામાં આવેલી કાર્યવાહી દરમિયાન આશિષ ઉર્ફે ભટ્ટો પટેલ અને સોનલબેન યાદવને ઝડપી લેવામાં આવ્યા હોવાનું FIRમાં નોંધાયું છે. બંનેના સંયુક્ત કબજામાંથી 21 કિલો 980 ગ્રામ ગાંજો મળી આવ્યો હોવાનું પોલીસે જણાવ્યું છે. સમગ્ર મુદ્દામાલની કિંમત રૂ.11.05 લાખથી વધુ દર્શાવવામાં આવી છે.
FIR નં. 11191011260284: NDPS એક્ટ હેઠળ ગુનો નોંધી સઘન તપાસ હાથ ધરી
DCB પોલીસ સ્ટેશન, અમદાવાદ શહેર ખાતે નોંધાયેલી FIR નં.11191011260284 મુજબ આરોપીઓ વિરુદ્ધ NDPS એક્ટની કલમ 8(C), 20(b)(ii)(C) અને 29 હેઠળ ગુનો નોંધવામાં આવ્યો છે. પોલીસના જણાવ્યા મુજબ ઝડપાયેલો ગાંજાનો જથ્થો મહારાષ્ટ્રના સિંધખેડા વિસ્તારમાંથી મેળવવામાં આવ્યો હતો અને અમદાવાદમાં સપ્લાય માટે લાવવામાં આવી રહ્યો હતો. બાતમીના આધારે SOG ક્રાઇમ બ્રાન્ચની ટીમે પંચો અને FSL અધિકારીની હાજરીમાં કાર્યવાહી હાથ ધરી હતી.
બોબી-બબીતાના કથિત નેટવર્ક સુધી તપાસના તાર
FIRમાં પોલીસનો દાવો છે કે અમદાવાદના કુબેરનગર વિસ્તારમાં રહેતા બોબી અને તેની માતા બબીતાબેન ઉર્ફે બબ્બો દ્વારા ગાંજાનો જથ્થો અમદાવાદ મંગાવવામાં આવતો હતો. પોલીસના આરોપ મુજબ મહારાષ્ટ્રના નંદુરબાર જિલ્લાના અશોક નામના વ્યક્તિ પાસેથી ગાંજો મેળવવા માટે આશિષ પટેલ અને સોનલ યાદવને મોકલવામાં આવ્યા હતા. બંને ટ્રેન મારફતે કાલુપુર રેલવે સ્ટેશન પહોંચ્યા બાદ ગોમતીપુર તરફથી પસાર થઈ રહ્યા હતા ત્યારે પોલીસની ટીમે તેમને ઝડપી લીધા હતા.
11 પાર્સલ, 21.980 કિલો ગાંજો અને લાખોની કિંમતનો મુદ્દામાલ
પોલીસ કાર્યવાહી દરમિયાન આશિષ પટેલ અને સોનલ યાદવ પાસે રહેલા ચાર અલગ-અલગ થેલાઓમાંથી કુલ 11 પાર્સલ મળી આવ્યા હોવાનું FIRમાં જણાવાયું છે. FSLની પ્રાથમિક તપાસમાં વનસ્પતિજન્ય પદાર્થ ગાંજો હોવાનું જણાતા ડિજિટલ વજનકાંટા વડે તેનું વજન કરવામાં આવ્યું હતું. બંને પાસેથી મળેલો કુલ જથ્થો 21 કિલો 980 ગ્રામ હોવાનું નોંધાયું છે, જેની કિંમત રૂ.10.99 લાખ આંકવામાં આવી છે.
આ ઉપરાંત આશિષ પટેલ પાસેથી કીપેડ મોબાઇલ ફોન, આધારકાર્ડ, રોકડ રૂ.610 અને એક કાગળની ચિઠ્ઠી તેમજ સોનલ યાદવ પાસેથી એક એન્ડ્રોઇડ મોબાઇલ ફોન પણ કબજે લેવામાં આવ્યો છે. પોલીસે કુલ મુદ્દામાલની કિંમત રૂ.11,05,610 દર્શાવી છે.
બાતમીથી લઈને FSL પરીક્ષણ સુધી કાયદેસરની કાર્યવાહીનો દાવો
FIR મુજબ SOGને મળેલી ચોક્કસ બાતમીના આધારે ગોમતીપુર વિસ્તારમાં વોચ ગોઠવવામાં આવી હતી. શંકાસ્પદ પુરુષ અને મહિલા થેલા સાથે આવતા દેખાતા બંનેને કોર્ડન કરી અટકાવવામાં આવ્યા હતા. પોલીસે બંનેને NDPS એક્ટ હેઠળના કાયદાકીય અધિકારો અંગે જાણ કર્યા બાદ પંચોની હાજરીમાં તપાસ હાથ ધરી હોવાનું નોંધાયું છે. સ્થળ પર તથા બાદમાં પોલીસ ચોકી ખાતે FSL અધિકારીની હાજરીમાં માદક પદાર્થનું પ્રાથમિક પરીક્ષણ કરવામાં આવ્યું હતું.
ગાંજાનો જથ્થો કોના માટે હતો? તપાસનો મુખ્ય મુદ્દો
FIRમાં ઝડપાયેલા આરોપીઓએ પૂછપરછ દરમિયાન ગાંજાનો જથ્થો અમદાવાદમાં બોબી અને બબીતાબેન સુધી પહોંચાડવાનો હોવાનું જણાવ્યું હોવાનો પોલીસનો દાવો છે. અગાઉ પણ અનેક વખત ગાંજાનો જથ્થો લાવવા મોકલવામાં આવ્યા હોવાના આરોપોની દિશામાં હવે તપાસ આગળ વધી રહી છે. મહારાષ્ટ્રથી અમદાવાદ સુધી કાર્યરત કથિત સપ્લાય ચેઇન, મોબાઇલ ફોન, સંપર્કો અને નાણાકીય લેવડદેવડ સહિતના મુદ્દાઓની ઊંડાણપૂર્વક તપાસ થવાની શક્યતા છે.
હાલમાં બે આરોપીઓ પોલીસ કસ્ટડીમાં છે, જ્યારે FIRમાં દર્શાવાયેલા અન્ય આરોપીઓ અને તપાસ દરમિયાન સામે આવનાર વ્યક્તિઓની ભૂમિકા અંગે તપાસ ચાલુ છે. આખરે સવાલ એ છે કે મહારાષ્ટ્રથી અમદાવાદ સુધી નાર્કોટિક્સનો જથ્થો પહોંચાડતી આ કથિત સાંકળ કેટલી લાંબી છે અને તેના મૂળ સુધી પોલીસ ક્યારે પહોંચશે?
અમદાવાદ શહેરમાં નાર્કોટિક્સના ગેરકાયદેસર કારોબાર સામે એસ.ઓ.જી. ક્રાઇમ બ્રાન્ચે મોટી કાર્યવાહી કરતાં મહારાષ્ટ્રથી ટ્રેન મારફતે અમદાવાદ લાવવામાં આવેલો ગાંજાનો જથ્થો ઝડપી પાડ્યો છે. ગોમતીપુર પતરાવાળી મસ્જિદ સામે મીટર ગેજ રોડ પર કરવામાં આવેલી કાર્યવાહી દરમિયાન આશિષ ઉર્ફે ભટ્ટો પટેલ અને સોનલબેન યાદવને ઝડપી લેવામાં આવ્યા હોવાનું FIRમાં નોંધાયું છે. બંનેના સંયુક્ત કબજામાંથી 21 કિલો 980 ગ્રામ ગાંજો મળી આવ્યો હોવાનું પોલીસે જણાવ્યું છે. સમગ્ર મુદ્દામાલની કિંમત રૂ.11.05 લાખથી વધુ દર્શાવવામાં આવી છે.
FIR નં. 11191011260284: NDPS એક્ટ હેઠળ ગુનો નોંધી સઘન તપાસ હાથ ધરી
DCB પોલીસ સ્ટેશન, અમદાવાદ શહેર ખાતે નોંધાયેલી FIR નં.11191011260284 મુજબ આરોપીઓ વિરુદ્ધ NDPS એક્ટની કલમ 8(C), 20(b)(ii)(C) અને 29 હેઠળ ગુનો નોંધવામાં આવ્યો છે. પોલીસના જણાવ્યા મુજબ ઝડપાયેલો ગાંજાનો જથ્થો મહારાષ્ટ્રના સિંધખેડા વિસ્તારમાંથી મેળવવામાં આવ્યો હતો અને અમદાવાદમાં સપ્લાય માટે લાવવામાં આવી રહ્યો હતો. બાતમીના આધારે SOG ક્રાઇમ બ્રાન્ચની ટીમે પંચો અને FSL અધિકારીની હાજરીમાં કાર્યવાહી હાથ ધરી હતી.
બોબી-બબીતાના કથિત નેટવર્ક સુધી તપાસના તાર
FIRમાં પોલીસનો દાવો છે કે અમદાવાદના કુબેરનગર વિસ્તારમાં રહેતા બોબી અને તેની માતા બબીતાબેન ઉર્ફે બબ્બો દ્વારા ગાંજાનો જથ્થો અમદાવાદ મંગાવવામાં આવતો હતો. પોલીસના આરોપ મુજબ મહારાષ્ટ્રના નંદુરબાર જિલ્લાના અશોક નામના વ્યક્તિ પાસેથી ગાંજો મેળવવા માટે આશિષ પટેલ અને સોનલ યાદવને મોકલવામાં આવ્યા હતા. બંને ટ્રેન મારફતે કાલુપુર રેલવે સ્ટેશન પહોંચ્યા બાદ ગોમતીપુર તરફથી પસાર થઈ રહ્યા હતા ત્યારે પોલીસની ટીમે તેમને ઝડપી લીધા હતા.
11 પાર્સલ, 21.980 કિલો ગાંજો અને લાખોની કિંમતનો મુદ્દામાલ
પોલીસ કાર્યવાહી દરમિયાન આશિષ પટેલ અને સોનલ યાદવ પાસે રહેલા ચાર અલગ-અલગ થેલાઓમાંથી કુલ 11 પાર્સલ મળી આવ્યા હોવાનું FIRમાં જણાવાયું છે. FSLની પ્રાથમિક તપાસમાં વનસ્પતિજન્ય પદાર્થ ગાંજો હોવાનું જણાતા ડિજિટલ વજનકાંટા વડે તેનું વજન કરવામાં આવ્યું હતું. બંને પાસેથી મળેલો કુલ જથ્થો 21 કિલો 980 ગ્રામ હોવાનું નોંધાયું છે, જેની કિંમત રૂ.10.99 લાખ આંકવામાં આવી છે.
આ ઉપરાંત આશિષ પટેલ પાસેથી કીપેડ મોબાઇલ ફોન, આધારકાર્ડ, રોકડ રૂ.610 અને એક કાગળની ચિઠ્ઠી તેમજ સોનલ યાદવ પાસેથી એક એન્ડ્રોઇડ મોબાઇલ ફોન પણ કબજે લેવામાં આવ્યો છે. પોલીસે કુલ મુદ્દામાલની કિંમત રૂ.11,05,610 દર્શાવી છે.
બાતમીથી લઈને FSL પરીક્ષણ સુધી કાયદેસરની કાર્યવાહીનો દાવો
FIR મુજબ SOGને મળેલી ચોક્કસ બાતમીના આધારે ગોમતીપુર વિસ્તારમાં વોચ ગોઠવવામાં આવી હતી. શંકાસ્પદ પુરુષ અને મહિલા થેલા સાથે આવતા દેખાતા બંનેને કોર્ડન કરી અટકાવવામાં આવ્યા હતા. પોલીસે બંનેને NDPS એક્ટ હેઠળના કાયદાકીય અધિકારો અંગે જાણ કર્યા બાદ પંચોની હાજરીમાં તપાસ હાથ ધરી હોવાનું નોંધાયું છે. સ્થળ પર તથા બાદમાં પોલીસ ચોકી ખાતે FSL અધિકારીની હાજરીમાં માદક પદાર્થનું પ્રાથમિક પરીક્ષણ કરવામાં આવ્યું હતું.
ગાંજાનો જથ્થો કોના માટે હતો? તપાસનો મુખ્ય મુદ્દો
FIRમાં ઝડપાયેલા આરોપીઓએ પૂછપરછ દરમિયાન ગાંજાનો જથ્થો અમદાવાદમાં બોબી અને બબીતાબેન સુધી પહોંચાડવાનો હોવાનું જણાવ્યું હોવાનો પોલીસનો દાવો છે. અગાઉ પણ અનેક વખત ગાંજાનો જથ્થો લાવવા મોકલવામાં આવ્યા હોવાના આરોપોની દિશામાં હવે તપાસ આગળ વધી રહી છે. મહારાષ્ટ્રથી અમદાવાદ સુધી કાર્યરત કથિત સપ્લાય ચેઇન, મોબાઇલ ફોન, સંપર્કો અને નાણાકીય લેવડદેવડ સહિતના મુદ્દાઓની ઊંડાણપૂર્વક તપાસ થવાની શક્યતા છે.
હાલમાં બે આરોપીઓ પોલીસ કસ્ટડીમાં છે, જ્યારે FIRમાં દર્શાવાયેલા અન્ય આરોપીઓ અને તપાસ દરમિયાન સામે આવનાર વ્યક્તિઓની ભૂમિકા અંગે તપાસ ચાલુ છે. આખરે સવાલ એ છે કે મહારાષ્ટ્રથી અમદાવાદ સુધી નાર્કોટિક્સનો જથ્થો પહોંચાડતી આ કથિત સાંકળ કેટલી લાંબી છે અને તેના મૂળ સુધી પોલીસ ક્યારે પહોંચશે?