હોર્ન ન સંભળાતા સર્જાયો અકસ્માત; કંથારિયા પાસે રેલવે ટ્રેક પરથી પસાર થતી મહિલા ગંભીર રીતે ઘાયલ

ભરૂચ શહેર નજીક કંથારિયા ગામ પાસે રેલવે ટ્રેક પર ચાલતી જતી એક મહિલા ગંભીર અકસ્માતનો ભોગ બની હતી. કંથારિયા પાસે ગુડ્સ ટ્રેનની અડફેટે આવતા આ દુર્ઘટના સર્જાઈ હતી. ​મળતી માહિતી મુજબ, મહિલા રેલવે ટ્રેક પર ચાલતા જઈ રહી હતી તે દરમિયાન ટ્રેનનું હોર્ન ન સાંભળવાના કારણે અચાનક આવી પહોંચેલી ગુડ્સ ટ્રેનની અડફેટે આવી ગઈ હતી. આ અકસ્માતમાં મહિલાના માથા અને પગના ભાગે ગંભીર ઇજાઓ પહોંચી હતી. ​દુર્ઘટના બનતા જ આસપાસના સ્થાનિક લોકો દ્વારા મહિલાને તાત્કાલિક હોસ્પિટલ ખાતે ખસેડવામાં આવી હતી જ્યાં તેની સારવાર શરૂ કરવામાં આવી છે. રેલવે પોલીસે આ ઘટના અંગે વધુ તપાસ હાથ ધરી છે.