VIDEO: મહિલાઓને હાથવણાટથી રોજગારી મળી

જમ્મુ-કાશ્મીરના ઉધમપુર જિલ્લામાં સમર્થ યોજના હેઠળ ગ્રામ્ય મહિલાઓને આત્મનિર્ભર બનાવવા માટે ઊન પ્રોસેસિંગ અને હાથવણાટની વિશેષ તાલીમ આપવામાં આવી રહી છે. એક મહિના ચાલનારા આ તાલીમ કાર્યક્રમમાં 30 મહિલાઓ ભાગ લઈ રહી છે. તાલીમ દરમિયાન મહિલાઓને ધાબળા, શાલ અને અન્ય ઊનના ઉત્પાદનો બનાવવાની આધુનિક કળા શીખવવામાં આવી રહી છે. કાર્યક્રમનો હેતુ મહિલાઓને કૌશલ્ય વિકાસ સાથે સ્વરોજગારીની તકો ઉપલબ્ધ કરાવવાનો છે. તાલીમ પૂર્ણ થયા બાદ મહિલાઓ સ્થાનિક સ્તરે ઉત્પાદન કરીને આવક મેળવી શકશે, જેના કારણે તેમના પરિવારની આર્થિક સ્થિતિ મજબૂત બનવાની સાથે ગ્રામ્ય અર્થતંત્રને પણ પ્રોત્સાહન મળશે.