VIDEO: ધર્મશાળાના પહાડો પર બરફની ચાદર અને મેદાનોમાં વરસાદી હેલી, ખેડૂતોમાં ખુશીની લહેર

VIDEO: ધર્મશાળામાં ડબલ ઋતુનો અનુભવ થઈ રહ્યો છે.. પહાડો પર બરફની સફેદ ચાદર અને મેદાનોમાં વરસાદી હેલી જોવા મળી રહી છે.. પ્રકૃતિના આ અદભુત નજારા સાથે જ તાપમાનનો પારો ગગડી ગયો છે.

હિમાચલ પ્રદેશના ધર્મશાળામાં કુદરતનું અદભૂત સૌંદર્ય ખીલી ઉઠ્યું છે, જ્યાં મેદાનોમાં વરસાદ અને ઊંચા પહાડો પર હિમવર્ષા જોવા મળી રહી છે.. સતત વરસી રહેલા વરસાદને કારણે તાપમાનમાં જોરદાર ઘટાડો નોંધાયો છે, જેનાથી સમગ્ર ખીણમાં ઠંડીનું મોજું ફરી વળ્યું છે.. પહાડો પર સફેદ બરફની ચાદર પથરાઈ જતાં પ્રકૃતિપ્રેમીઓ અને પ્રવાસીઓમાં ભારે ઉત્સાહ જોવા મળી રહ્યો છે.. સ્થાનિક જનજીવન ઠંડીના કારણે પ્રભાવિત થયું છે, પરંતુ આ નયનરમ્ય દ્રશ્યોએ પ્રવાસન ઉદ્યોગમાં નવી જાન ફૂંકી દીધી છે.

 ધર્મશાળા અને તેની આસપાસના વિસ્તારોમાં વરસાદી માહોલ વચ્ચે હવામાં ભેજનું પ્રમાણ વધ્યું છે.. વહીવટી તંત્ર દ્વારા પ્રવાસીઓને સાવચેતી રાખવા અને લપસણા માર્ગો પર વાહન ચલાવતી વખતે સતર્ક રહેવા સૂચના આપવામાં આવી છે.. આ મોસમી ફેરફારથી ખેડૂતોમાં પણ ખુશીની લહેર છે, કારણ કે આ વરસાદ પાક માટે આશીર્વાદરૂપ સાબિત થઈ શકે છે.. પહાડોની ટોચ પર થતી હિમવર્ષા અને નીચાણવાળા વિસ્તારોમાં વરસાદની આ જુગલબંધીએ ધર્મશાળાને ફરી એકવાર સ્વર્ગ જેવું સુંદર બનાવી દીધું છે.