VIDEO/ થાણે-ડોમ્બિવલી વચ્ચે લોકલ ટ્રેન પાટા પરથી ઉતરી: સ્ટેશનો પર મુસાફરોની ભારે ભીડ અને રોષ

મહારાષ્ટ્રના થાણેમાં ડોમ્બિવલી પાસે લોકલ ટ્રેન પાટા પરથી ઉતરી જવાની ઘટના સામે આવી છે, જેના કારણે સેન્ટ્રલ રેલવેની સેવાઓ ખોરવાઈ ગઈ છે. છેલ્લા ૨ કલાકથી યુદ્ધના ધોરણે સમારકામની કામગીરી ચાલી રહી છે, પરંતુ ટ્રેન વ્યવહાર પ્રભાવિત થતા મુસાફરોને ભારે હાલાકીનો સામનો કરવો પડી રહ્યો છે ઓફિસ જવાના સમયે જ આ દુર્ઘટના ઘટતા સ્ટેશનો પર ભીડ હતી . સ્થાનિક મુસાફરોએ તંત્ર સામે રોષ વ્યક્ત કરતા જણાવ્યું કે, અવારનવાર થતી આવી ટેકનિકલ ખામીઓને કારણે તેમનો સમય વેડફાય છે. રેલવે સત્તાધીશો દ્વારા પરિસ્થિતિને જલ્દી સામાન્ય કરવા ખાતરી આપવામાં આવી છે.