VIDEO: ANDARNI VAAT / દ્રાસના મતાયેનમાં ભારતીય સેનાનું શૌર્ય પ્રદર્શન, અદ્યતન સૈન્ય તાકાતનું ભવ્ય શક્તિપ્રદર્શન!

લદ્દાખના દ્રાસ સ્થિત મતાયેન વિસ્તારમાં ભારતીય સેના દ્વારા પોતાની અદ્યતન સૈન્ય ક્ષમતાઓ અને ઓપરેશનલ તાકાતનું શાનદાર પ્રદર્શન કરવામાં આવ્યું હતું. આ વિશેષ કાર્યક્રમ દરમિયાન સેના દ્વારા પોતાના સૌથી આધુનિક સંરક્ષણ હથિયારો, એડવાન્સ મોબિલિટી વાહનો અને ઉચ્ચ તકનીક ધરાવતા સર્વેલન્સ સાધનોનું પ્રદર્શન કરવામાં આવ્યું હતું. પહાડી અને વિષમ વિસ્તારોમાં સેનાની પહોંચ ઝડપી બનાવવા માટે ઉપયોગમાં લેવાતા વિશેષ વાહનો તેમજ ટેકનોલોજીની મદદથી સરહદી વિસ્તારોમાં સેના પોતાની પકડ કેટલી મજબૂત બનાવી રહી છે તે બાબત અહીં સ્પષ્ટપણે જોવા મળી હતી. આધુનિક ઉપકરણોની મદદથી ભારતીય સેના કોઈપણ વિષમ પરિસ્થિતિનો સામનો કરવા માટે હંમેશાં સજ્જ રહે છે.

દુર્ગમ પહાડી અને અતિ મુશ્કેલ વાતાવરણ ધરાવતા સરહદી વિસ્તારોમાં દુશ્મનોની દરેક ગતિવિધિ પર સતત અને તીક્ષ્ણ નજર રાખવા માટે આધુનિક સર્વેલન્સ એસેટ્સ અત્યંત મહત્વપૂર્ણ સાબિત થઈ રહ્યા છે. સેનાના જવાનો દ્વારા આ અદ્યતન સાધનોના ઉપયોગથી દેશની સીમાઓની સુનિશ્ચિત સુરક્ષા માટેની વ્યુહરચના રજૂ કરવામાં આવી હતી. કઠિન પરિસ્થિતિઓમાં પણ સૈન્યની ઝડપી મૂવમેન્ટ અને ક્ષણવારમાં નિર્ણાયક કામગીરી કરવાની ક્ષમતા આ પ્રદર્શનનું મુખ્ય આકર્ષણ બની રહી હતી. લદ્દાખના સીમાવર્તી ક્ષેત્રોમાં સેનાનું આ પરાક્રમ દેશની અખંડિતતા અને સુરક્ષા પ્રત્યેની તેમની અચળ પ્રતિબદ્ધતા દર્શાવે છે..

બ્યૂરો રિપોર્ટ જીએસટીવી