VIDEO: બોટાદના ખસ રોડ પર જૂની અદાવતમાં યુવકની કરપીણ હત્યા બે લોકો ગંભીર રીતે ઇજાગ્રસ્ત

પ્રાથમિક માહિતી અનુસાર, ખસ રોડ પર જૂની અદાવતનું સમાધાન કરવા માટે બે પક્ષો ભેગા થયા હતા. આ દરમિયાન મામલો બિચકતાં સામા પક્ષે અચાનક હુમલો કરી દીધો હતો. આ હુમલામાં હરપાલભાઈ રવુભાઈ ખાચર નામના યુવકનું ઘટનાસ્થળે જ કમકમાટીભર્યું મોત નીપજ્યું હતું. જ્યારે અન્ય ઇજાગ્રસ્ત અક્ષયભાઈ ખાચરને વધુ સારવાર માટે ભાવનગર અને સતુંભાઈ બોરીચાને બોટાદની હોસ્પિટલમાં ખસેડવામાં આવ્યા છે. ઘટનાની જાણ થતાં જ પોલીસનો મોટો કાફલો ઘટનાસ્થળે દોડી ગયો હતો. હુમલો કરનારા શખ્સો કોણ હતા અને કેટલા હતા તે અંગે હજી સુધી કોઈ સત્તાવાર વિગત બહાર આવી નથી. હાલ પોલીસે આ મામલે ગુનો નોંધીને આગળની કાયદાકીય કાર્યવાહી શરૂ કરી છે.