VIDEO: સુરતના અઠવાલાઇન્સ સ્થિત પૌરાણિક ઈચ્છાનાથ મહાદેવ મંદિરે શ્રાવણના પ્રથમ સોમવારે ઉમટ્યું ભક્તોનું ઘોડાપૂર

પવિત્ર શ્રાવણ માસના પ્રથમ સોમવાર અને પવિત્ર નાગ પંચમીના સંગમ પર્વ નિમિત્તે સુરતના ધાર્મિક વાતાવરણમાં અનેરો ઉત્સાહ જોવા મળ્યો હતો. સુરતના અઠવાલાઇન્સ વિસ્તારમાં આવેલ જાણીતા ઈચ્છાનાથ મહાદેવ મંદિરે વહેલી સવારથી જ શ્રદ્ધાળુઓનું ભારે ઘોડાપૂર ઉમટી પડ્યું હતું. ભગવાન ભોળાનાથના દર્શન કરવા માટે હજારોની સંખ્યામાં ભક્તો લાંબી કતારોમાં ઊભા રહીને પોતાની बारीની રાહ જોતા નજરે પડ્યા હતા. ભક્તોએ શિવલિંગ પર પવિત્ર જળ, દૂધ અને બિલ્વપત્ર અર્પણ કરી વિધિપૂર્વક જળાભિષેક અને પૂજા-અર્ચના કરી હતી. શ્રાવણના પહેલા સોમવાર સાથે નાગ પંચમીનો સંયોગ હોવાથી મંદિરમાં વિશેષ પૂજાનું આયોજન કરવામાં આવ્યું હતું, જેના કારણે વહેલી સવારથી જ દર્શનનો લાભ લઈ રહેલા તમામ ભક્તોના ચહેરા પર દિવ્ય આનંદ અને આસ્થાની ખુશી સ્પષ્ટપણે જોવા મળી રહી હતી.