Gir somnath: રક્ષાબંધન નિમિત્તે સોમનાથ મહાદેવનો અદભૂત શણગાર, ભક્તો થયા ધન્ય

પવિત્ર શ્રાવણ માસ અને રક્ષાબંધનના તહેવાર નિમિત્તે ગુજરાતના પ્રથમ જ્યોતિર્લિંગ સોમનાથ મહાદેવ મંદિરમાં ભગવાન શિવનો અદભૂત શણગાર કરવામાં આવ્યો. રક્ષાબંધનના પવિત્ર દિવસે મહાદેવને રાખડીનો વિશેષ શણગાર કરાયો, જેના દર્શનથી ભક્તો ભાવવિભોર થયા. મંદિરમાં પ્રાતઃ આરતી દરમિયાન આ શણગારની સાથે ભવ્ય આરતીનું આયોજન થયું, જેના દર્શનથી ભાવિકો ધન્ય બન્યા. 

રક્ષાબંધનના શણગારમાં રાખડીની સાથે ખાસ પૂજા-અર્ચના કરવામાં આવી, જે ભક્તો માટે આકર્ષણનું કેન્દ્ર બની. સોમનાથ મંદિરની આ ભક્તિમય ઉજવણીએ શ્રદ્ધાળુઓમાં આધ્યાત્મિક ઉર્જા ભરી.