VIDEO: રિયાસીમાં ચેનાબ નદીના જળસ્તરમાં વધારો, નીચાણવાળા વિસ્તારો પાણીમાં ગરકાવ

જમ્મુ-કાશ્મીરના રિયાસી જિલ્લામાં સતત પડી રહેલા ભારે વરસાદને કારણે ચેનાબ નદીના જળસ્તરમાં ભયજનક વધારો નોંધાયો છે. નદીની સપાટી વધતાં પૂરના પાણી આસપાસના નીચાણવાળા વિસ્તારોમાં ફરી વળ્યા છે, જેના લીધે અનેક ગામો અને રહેણાંક વિસ્તારો પાણીમાં ગરકાવ થઈ ગયા છે. નદીના આ ઓવરફ્લોને કારણે ખેતરોમાં ઊભો પાક ધોવાઈ ગયો છે અને સામાન્ય જનજીવન સંપૂર્ણપણે ખોરવાઈ ગયું છે. વહીવટીતંત્ર દ્વારા તટીય અને જોખમી વિસ્તારોમાં રહેતા લોકોને તાત્કાલિક સુરક્ષિત સ્થળોએ ખસી જવા માટે હાઈ એલર્ટ જાહેર કરવામાં આવ્યું છે. આપત્તિ વ્યવસ્થાપનની ટીમો નદીના જળસ્તર પર સતત નજર રાખી રહી છે અને અસરગ્રસ્ત પરિવારોને રાહત સામગ્રી પહોંચાડવાની કામગીરી શરૂ કરી દેવામાં આવી છે. ચિંતાજનક સ્થિતિને જોતાં લોકોને નદી કિનારે ન જવા સખત અપીલ કરાઈ છે.