VIDEO: તમિલનાડુ-કર્ણાટક સરહદ પર મેકેદાટુ ડેમના મુદ્દે વિરોધ પ્રદર્શન

તમિલનાડુ-કર્ણાટક સરહદ પર મેકેદાટુ ડેમના મુદ્દે વિરોધ પ્રદર્શન કરવામાં આવ્યું હતું. હોસુર વિસ્તારમાં કન્નડ સમર્થક કાર્યકરો સાથે મોટી સંખ્યામાં સ્થાનિક લોકો રસ્તા પર ઉતરી આવ્યા હતા. મેકેદાટુ ડેમ પ્રોજેક્ટને લઈને વિરોધ કરી રહેલા દેખાવકારોએ સૂત્રોચ્ચાર કરીને પોતાનો વિરોધ નોંધાવ્યો હતો. પ્રદર્શનને કારણે તમિલનાડુ-કર્ણાટક સરહદ પર વાહન વ્યવહારને અસર થઈ હતી અને ટ્રાફિક વ્યવસ્થા ખોરવાઈ હતી. સ્થિતિને કાબૂમાં રાખવા માટે પોલીસનો ચુસ્ત બંદોબસ્ત ગોઠવવામાં આવ્યો હતો. મહત્વનું છે કે મેકેદાટુ ડેમ પ્રોજેક્ટને લઈને બંને રાજ્યો વચ્ચે લાંબા સમયથી મતભેદ ચાલી રહ્યા છે. સરહદી વિસ્તારમાં વિરોધના પગલે વાહનચાલકોને પણ મુશ્કેલીનો સામનો કરવો પડ્યો હતો.