VIDEO: ઉત્તરપ્રદેશના બુલંદશહેરમાં ભારે વરસાદ

ઉત્તરપ્રદેશના બુલંદશહેરમાં પ્રકૃતિનું રૌદ્ર સ્વરૂપ જોવા મળ્યું છે. અહીં થયેલા મુશળધાર અને અવિરત વરસાદે સમગ્ર શહેરને બાનમાં લીધું છે અને જળબંબોળની સ્થિતિ સર્જી દીધી છે. વરસાદનું જોર એટલું વધારે હતું કે શહેરની ગલીઓ અને મુખ્ય માર્ગો જોતજોતામાં નદીઓમાં ફેરવાઈ ગયા હોય તેવા દ્રશ્યો સર્જાયા છે. રસ્તાઓ પર ઘૂંટણસમા અને ક્યાંક તો કમર સુધીના પાણી ભરાઈ જવાને કારણે વાહનવ્યવહાર સંપૂર્ણપણે ઠપ્પ થઈ ગયો છે. અનેક વાહનો પાણીના જોરદાર પ્રવાહમાં ફસાઈ ગયા છે, જેના લીધે લોકો રસ્તાઓ પર જ અટવાઈ પડ્યા છે. ભારે વરસાદના કારણે સૌથી વધુ મુશ્કેલી નીચાણવાળા વિસ્તારોમાં રહેતા લોકોને પડી રહી છે. ગટર અને વરસાદી પાણીના નિકાલની યોગ્ય વ્યવસ્થા ન હોવાને કારણે પૂરના પાણી લોકોના ઘરો અને વેપારીઓની દુકાનોમાં ઘૂસી ગયા છે.