VIDEO: સુરતમાં ફૂડ સેફ્ટી વિભાગના દરોડા, ૪૩ હોટલ-રેસ્ટોરન્ટ સીલ કરી ₹૪.૪૩ લાખનો દંડ ફટકાર્યો

સુરતમાં ખાદ્ય પદાર્થોની ગુણવત્તા જાળવવા માટે ફૂડ સેફ્ટી વિભાગે સતત બીજા દિવસે હોટલ અને રેસ્ટોરન્ટોમાં કડક તપાસ હાથ ધરી હતી. ટીમ દ્વારા ૨૦૯ જેટલી હોટલ-રેસ્ટોરન્ટમાં દરોડા પાડીને ગંદકી તેમજ અસ્વચ્છતા વચ્ચે તૈયાર કરાયેલો ૫૪૮ કિલો અખાદ્ય ખોરાક ઝડપી પાડી તેનો સ્થળ પર જ નાશ કરવામાં આવ્યો હતો. મનપાની તપાસ દરમિયાન નિયમોનું ઉલ્લંઘન કરતી ૧૨૮ હોટલ અને રેસ્ટોરન્ટોને નોટિસ ફટકારાઈ છે, જ્યારે તાકીદના ધોરણે ૪૩ એકમોને બંધ કરાવવામાં આવ્યા છે. આ સિવાય નિયમોના ભંગ બદલ વેપારીઓ પાસેથી ૪.૪૩ લાખનો દંડ વસૂલ કરી વધુ કાર્યવાહી હાથ ધરાઈ છે.