VIDEO: દેવભૂમિ દ્વારકામાં પ્રતિબંધ છતાં તોફાની દરિયામાં જીવના જોખમે સ્ટન્ટબાજી કરનારા વાયરલ

દેવભૂમિ દ્વારકા યાત્રાધામમાં અરબી સમુદ્રના તોફાની મોજા વચ્ચે જીવના જોખમે સ્ટન્ટબાજી કરતા યુવાનોનો વીડિયો વાયરલ થયો છે. હાલ અરબ સાગરમાં ભારે કરંટ હોવાને કારણે તંત્ર દ્વારા ગોમતી ઘાટ અને દરિયા કિનારે જવા પર સખત પ્રતિબંધ ફરમાવવામાં આવ્યો છે. તેમ છતાં કેટલાક બેફામ સ્ટન્ટબાજો પોલીસ અને પ્રશાસનની ચેતવણીને નજરઅંદાજ કરી દરિયા કિનારે જોખમી સ્ટન્ટ કરી રહ્યા છે. આ બેદરકારીના કારણે જો કોઈ ગંભીર અકસ્માત સર્જાય તો તેની નૈતિક અને કાનૂની જવાબદારી કોની રહેશે? તેવો મોટો સવાલ લોકમુખે ચર્ચાઈ રહ્યો છે.