VIDEO: કોંગ્રેસની 'કિશાન અધિકાર યાત્રા' કાલે દ્વારકા પહોંચશે: જગત મંદિરે ધ્વજારોહણ કરી ખેડૂતોની મુશ્કેલીઓ દૂર કરવા કરાશે પ્રાર્થના

દેવભૂમિ દ્વારકા જિલ્લામાં ખેડૂતોના પડતર પ્રશ્નો અને વિવિધ માંગણીઓ સંદર્ભે કોંગ્રેસ દ્વારા શરૂ કરાયેલી 'કિશાન અધિકાર યાત્રા' આજે ૧૮મા દિવસમાં પ્રવેશી છે. કચ્છના વ્રજવાણીથી પ્રારંભ થયેલી આ પદયાત્રા વિવિધ ગામડાઓ ખૂંદતી આવતીકાલે દ્વારકા ખાતે આવી પહોંચશે.આ યાત્રામાં મોટી સંખ્યામાં ખેડૂતો, મહિલાઓ, યુવાનો અને કોંગ્રેસના વરિષ્ઠ આગેવાનો જોડાશે. દ્વારકાના વિવિધ માર્ગો પર ભવ્ય રોડ-શો યોજાયા બાદ તમામ કાર્યકરો જગત મંદિર ખાતે પહોંચશે. જ્યાં ભગવાન દ્વારકાધીશના ચરણોમાં શીશ ઝુકાવી, ધ્વજારોહણ કરીને જગતના તાતની તકલીફો અને મુશ્કેલીઓ દૂર કરવા માટે ખાસ પ્રાર્થના કરવામાં આવશે.