VIDEO: રાજકોટમાં ઊંચા વળતરની લાલચ આપી ₹૯ કરોડથી વધુની ઠગાઈ આચરનાર સામે ફરિયાદ

રાજકોટમાં કરોડો રૂપિયાની છેતરપિંડીનો ગંભીર મામલો સામે આવ્યો છે. યુનિવર્સિટી પોલીસ સ્ટેશનમાં હાર્દિક તન્ના નામના શખ્સ સામે રૂ. 9 કરોડથી વધુની રકમની છેતરપિંડીની ફરિયાદ નોંધાઈ છે. ફરિયાદ મુજબ આરોપીએ વર્ષ 2022થી અત્યાર સુધી ફરિયાદીને રોકાણ કરાવવાની લાલચ આપી હતી. સાથે જ રોકાણની રકમ પર ઊંચું વળતર આપવાની ખાતરી આપી રૂપિયા પડાવ્યા હોવાનો આક્ષેપ છે. સમય જતાં રોકાણ કરેલી રકમ અને વળતર પરત ન મળતા સમગ્ર મામલો પોલીસ સુધી પહોંચ્યો હતો. ફરિયાદના આધારે યુનિવર્સિટી પોલીસે હાર્દિક તન્ના સામે ગુનો નોંધી તપાસ શરૂ કરી છે. પોલીસે સમગ્ર વ્યવહાર અને નાણાકીય લેવડદેવડ અંગે વધુ તપાસ હાથ ધરી છે.