VIDEO: બોરડી રેલવે અંડરબ્રિજ પાણીમાં ગરકાવ, 11 ગામના લોકો પરેશાન

દાહોદ નજીક બોરડી ખાતે આવેલા રેલવે અંડરબ્રિજમાં ઘૂંટણસમા પાણી ભરાતા વાહન વ્યવહાર સંપૂર્ણપણે પ્રભાવિત થયો છે અને બ્રિજ બંધ કરવાની ફરજ પડી છે. છેલ્લા 16 કલાકથી પાણીનો નિકાલ ન થતાં સ્થાનિકોમાં ભારે રોષ જોવા મળી રહ્યો છે. બોરડીથી કતવારા તરફ જતાં 11 ગામના લોકોને હવે આશરે 7 કિલોમીટરનો વધારાનો ચક્કર મારીને અવરજવર કરવી પડી રહી છે. દર ચોમાસે સર્જાતી આ સમસ્યા અંગે અનેક વખત રજૂઆતો છતાં કોઈ કાયમી ઉકેલ ન આવતા ગ્રામજનોએ તંત્ર સામે નારાજગી વ્યક્ત કરી છે.